Vil utvikle automasjon-campus

- Om vi skal hevde oss i den raske utviklinga som no skjer, må det tenkjast heilt nytt. Vi må få til endå tettare samarbeid og høgare innovasjons-takt i heile bedriftsmiljøet, og eit nært samspel med forskings- og utdanningsmiljø nasjonalt og internasjonalt, seier dagleg leiar Hans Inge Solheim i Normatic i ei pressemelding.

Campus på Eid

I følgje pressemeldinga snakkar Solheim i Normatic på vegne av ei gruppe elektro- og automasjonsbedrifter i Nordfjord.
Dei vil etablere ein virtuell arenar for læring og innvoasjon, der både bedrifter, høgskular, innvasjonsmiljø og forsking- og utviklingsaktørar kan knyte seg til.
I tillegg vil dei skape eit fysisk senter som skal samle aktuelle bedrifter i området knytt til Nordfjord sjukehus og Eid vidaregåande skule.

Fleire saman

Saman med Normatic, er selskapa Caverion, Eid Elektro, Moderne Varme, Nordplan, Fjordvarme og Segel med på ein forstudie for å sjå korleis ein virtuell arena og eit fysisk senter skal skapast.