Vil redde titusenvis av arbeidsplassar
MANGE STENGT: Varehandelen har permittert flest tilsette i Møre og Romsdal og på Amfi Moa har mange leigetakarar no stengt. 
Nytt

– Vil redde titusenvis av arbeidsplassar

NHO Service og Handel sine medlemmar er hardt råka av koronakrisa, men trur kontantstøtteordning vil berge mange.  

03.04.2020
(NPK-NTB-NETT.NO): NHO Service og Handel er godt fornøgd med for bedriftene.
– Denne ordninga vil redde titusenvis av norske arbeidsplassar. Det gler vi oss over i dag, seier administrerande direktør Anne-Cecilie Kaltenborn i NHO Service og Handel.
NHO Service og Handel representerer 6.800 bedrifter med 130.000 tilsette. Fleire av bedriftene vart pålagde å stengje på få timars varsel for tre veker sidan.
– Mange av bedriftsleiarane våre og deira tilsette har dei siste vekene kjent på konkursfrykta. Så mange som fire av ti fryktar konkurs. Vi håpar og trur at denne pakken vil gjere at mange av dei kan sove litt betre i natt, seier Kaltenborn.
– Saman med NHO har vi vore tett på utviklinga av denne støtteordninga, og vi ser at det har gitt resultat. Framleis er det viktige detaljar som må justerast, og vi vil bidra konstruktivt i det vidare arbeidet, legg ho til.

Flest ramma varehandelen i nordvest

Handels- og servicebedrifter er mellom bransjane som er verst råka – også på Nordvestlandet. førre veke viste at fleire enn 1100 bedrifter i varehandelen hadde permittert tilsette på det tidspunktet i Møre og Romsdal. Då hadde nær 2600 tilsette i bransjen her i fylket søkt dagpengar som følgje av permitteringar.

Les også:


I overnattings- og serveringsbransjen hadde 444 bedrifter permittert tilsette i Møre og Romsdal, medan 342 bedrifter i industrien hadde gjort det same.
Tala over nye permitterte og arbeidslause stig dagleg, og fredag kjem den månadlege oversikta frå NAV, som vil vise rekordhøge tal.

Dekker inntil 90 prosent av utgiftene

Kompensasjonsordninga til regjeringa skal hjelpe bedrifter som slit i koronakrisa.
– Denne ordninga vil hjelpe bedriftene gjennom den verste perioden, slik at dei på den andre sida igjen kan sysselsetje folk og tene pengar, seier Nybø.
Kompensasjonsordninga skal dekkje inntil 90 prosent av dei uunngåelege faste utgiftene til bedrifter som har vorte pålagde å stengje av regjeringa. Slike utgifter er til dømes husleige, straum og forsikring.
Nybø trekkjer fram reiselivet som ein av dei bransjane som er hardast ramma av koronakrisa.
– Det vil nok ta ei god stund før nordmenn kjem til å reise slik som før. Denne mellombelse nødhjelpa vil òg hjelpe reiselivet gjennom den første fasen, seier ho.

Les også:


Må ha mista 30 prosent av inntekta

Regjeringa har gjennom veka vore i dialog med LO, NHO, Virke, SMB Norge og Finans Norge om den nye kompensasjonsordninga.
Ordninga legg opp til at bedrifter må ha hatt eit fall i omsetninga på 30 prosent, eller meir per månad frå og med april for å komme med.
For mars blir kravet sett til 20 prosents fall, ettersom krisetiltaka først vart innførte litt ut i månaden. Ordninga skal i utgangspunktet gjelde for mars, april og mai, men kan bli forlenga dersom det blir nødvendig.

Les også:


(ekstern lenke)

Publisert: 03.04.2020 08:28

Sist oppdatert: 10.02.2021 14:55