Vil låne inntil ein milliard

Selskapet har engasjert DNB Markets, Nordea, Fearnley Securities og Sparebank1 Markets for å få hjelp til å finne investorar til eit fem-årige, usikra, obligasjonslån.
Møte med moglege investorar startar 6. november, og selskapet vil sjå både mot Noreg og utlandet for å få investorar med. I etterkant av møta vil selskapet vurdere om det skal ta opp lånet, skriv det i ei børsmelding.

Totalfinansieringspakke

- Det er ein del av ein totalfinansieringspakke. Planen er å låne inntil ein milliard kroner, seier konsernsjef Dagfinn Neteland om obligasjonslånet.
Selskapet arbeider og med ein bankavtale, og Neteland håpar å kunne legge fram heile finansieringspakken innan selskapet i slutten av november legg fram resultatet for tredje kvartal.

Store investeringar

Fjord1 er i gang med store investeringa i nye ferjer. NETT NO har tidlegare anslått at det er pr. i dag er snakk om investeringar for 2,3 milliardar kroner, med god sjanse for at det blir meir.
I tillegg til allereie inngåtte kontrakter er reiarlaget ute i marknaden for å få bygd ytterlegare fire-fem ferjer, som skal brukast på samband reiarlaget har vunne i Hordaland, i følgje Neteland.