- Eg aksepterer ikkje den debatten som seier at ein må ta fra havfiskeflåten og overføre til andre grupper.

- Eg aksepterer ikkje omfordeling mellom flåtegrupper. Frå mi blir det ikkje fremma eit einaste forslag om omfordeling mellom flåtegrupper.

Det fastslo Nesvik under Ombordproduksjonskonferansen i Ålesund torsdag, ein konferanse i regi av Norges Sjømatråd, Fiskebåt og Nordea.

- Vi treng variasjon

På plass var 260 i salen.

- Vi treng ein variert flåtestruktur. Vi treng havfiskeflåten, vi treng sjarkflåten, vi treng stor og liten.

- Vi treng variasjon. Vi treng alle, sa Nesvik.

Nesvik viste til verdien av norsk fiskerinæring, som i fjor eksportere for nær 100 milliardar kroner.

- Vi eksporterer til 146 land over heile verda. Vi eksporterer 37 millioner måltid kvar dag. Dette skal vi halde fram med, og då treng vi alle, sa Nesvik.

- Ingen ekstra fisk til EU/UK

Han var uroleg for Brexit-konsekvensane, og fastslo at EØS-avtalen var svært viktig å verne om.

Men han fastslo også at det i dei pågåande diskusjonane mellom EU og Storbritannia var det uaktuelt for Norge å bidra ved å gi frå seg kvotar.

- Nei, dette får UK og EU ordne opp i sjølve.

Oppfordra til klyngesamarbeid

Nesvik oppmoda aktørane i salen om å samarbeide endå tettare.

- Det kjem nye krav, både innanfor klima, miljø og berekraft, og det må vi forhalde oss til.

- Vi har ei god maritim klynge. Dette må utnyttast gjennom samarbeid i klynga slik at vi kan kome oss vidare.

Nesvik slo også ettertrykkeleg fast at han ikkje aksepterte fiskerikriminalitet.

- Og så må vi ta vare på heile fisken. Det må verte slutt på at vi ikkje utnyttar heile dette viktige råstoffet.