Det er gjennom sitt investeringsselskap Rome as at han planlegg prosjektet. Prosjektet omfatter bygging av 50 leiligheiter samt parkeringsanlegg, og er eit prosjekt til rundt 150 millionar kroner ifølgje Romestrand.
- Planlagt byggestart er i 2017, seier Romestrand.
Romestrand eig også tre næringseigedommar i Saunesmarka i tillegg til bygget som Kongsberg Evotech held til i. Sistnevnte leigeavtale er no forlenga til 2024.
Romestrand er også gjennom Rome as inne på eigarsida med 10 prosent i Ulsteinvik Utvikling, selskapet som utviklar det kombinerte nærings- og leilighetsbygget Sjøsida (Byggetrinn 1) i Ulsteinvik sentrum.

Måtte nedskrive Neptune Offshore-aksjar

Driftsinntektene i Rome, som både driv med investeringar i aksjer og eigedom, vart i fjor på 4,5 millionar kroner. Nedskriving av skipsverdier i Neptune Offshore gjer at aksjane i dette selskapet vart nedskrive med 15 millionar kroner i fjor. Dermed fekk investeringsselskapet til Jogeir Romestrand eit underskot før skatt på 23,9 millionar kroner i fjor. Tala vert også negativt påverka ved eit tap på sal av aksjer på 7 millionar kroner (sjå tabell).
Les også:
Den bokførte eigenkapitalen i Rome as utgjorde ved årsskiftet 53 millionar kroner, tilsvarande ein eigenkapitaldel på 55 prosent.
Den bokførte verdien av tomter og bygningar var ved årsskiftet på 48 millionar kroner, medan verdiane av aksjer i dotterselskap, tilknytta selskap og fordringar var på nærmare 30 millionar kroner. Markedsbaserte aksjer og bankinnskot utgjorde ved årsskiftet i overkant av 10 millionar kroner.

Meir om dotter- og tilknytta selskap

Rome as eig dotterselskapet Rome Eiendom 100 prosent. Dette selskapet fekk i fjor driftsinntekter på 8,4 millionar kroner og eit resultat før skatt på 4,2 millionar kroner.
Bokførte verdiar av tomter og bygningar i dette selskapet var ved årsskiftet på 73 millionar kroner og bokført eigenkapital var 12,8 millionar kroner, tilsvarande ein eigenkapitaldel på 16 prosent.
I tillegg har Rome eigarandelar i fleire selskap; Neptune Offshore med 32,44 prosent, Neptune Seismic DIS med 1,125 prosent, Impact Engineering as med 22,32 prosent, Ulsteinvik Utvikling med 10,08 prosent, Elcontact as med 11,69 prosent, Resop as med 10,19 prosent og Novela as med 7,19 prosent.
Samla er desse investeringane i tilknytta selskap bokført til i underkant av 18 millionar kroner.

Utstyr til oljeutvinning

Impact Engineering driv utvikling og utleige av teknisk utstyr til landbasert oljeutvinning. Dette selskapet fekk i fjor driftsinntekter på 7,7 millionar kroner og eit resultat før skatt på 4,3 millionar.
Romestrand har heilt til i vår også site i styret i det amerikanske selskapet Eco-Stim Energy Solutions, eit selskap som har spesialisert seg på brønnstimulering på land og med hovudbase i Houston, Texas. Selskapet vart børsnotert på Nasdaq-børsen i februar i år. Ifølgje Romestrand, har han ein eigardel på rundt to prosent.
Les meir om bakgrunnen og oppstarten her:
- Hovudaktiviteten er Argentina, men selskapet har slite litt med å få opp omsetninga. Eco-Stim er eit oljeserviceselskap som er i konkurranse med store selskap som Schlumberger, Halliburton og Archer blant anna, seier Romestrand.