Vigra har passert millionen

I november var det totalt 90.914 passasjerar som reiste over lufthamna. Det er ein auke på 4 prosent samanlikna med november i fjor.
Innlandstrafikken auka med 4,1 prosent, og utlandstrafikken med 4,0 prosent.
Lufthamnsjef Tor Hånde opplyser at innlands var det passasjervekst på samtlege strekningar, men mest på rutene til Oslo.

Gdansk-auke

På utland er det Wizz Air sin rute til Gdansk som stod for den største veksten, i tillegg til ein auke på charter.
Passasjerveksten hittil i år er på fem prosent.
Når året er omme forventar Tor Hånde at rundt 1.120.000 passasjerar har reist over Vigra.

Hopp for Hovden

Også på Ørsta Volda lufthamn Hovden var det stor trafikk i november. Her reiste det totalt 9.979 passasjerar i november, ein auke på 6,3 prosent frå november i fjor.
Hittil i år har det reist 106.342 passasjerar over Hovden, ein auke på 3,7 prosent frå i fjor.
På Anda lufthamn på Sandane var det derimot ein nedgang på 1,7 prosent, til 3.202 passasjerar.
Her viser årstala 39.166 passasjerar, ein svikt på 5,9 prosent.