Verdilaust patent, meiner Rimfrost

- Utan lisens frå Rimfrost ville ikkje patentet ha verdi, sa Rimfrosts advokat Ronny Lund i sitt innleiingsforedrag i dag.
Lund representer Stig Remøys selskap Rimfrost og Rimfrost Technologies i striden med Aker Biomarine, som er eigd av Kjell Inge Røkke-dominerte Aker som eigar. Selskapa strides om retten til teknologien i krilltrålaren Juvel, som Aker Biomarine kjøpte etter at krillfiskeselskapet Emerald Fisheries gikk konkurs i 2017.

Til inga nytte

I følgje Lund er eitt patent det strides om, knytt til starten av produksjonsprosessen etter at krillen er ombord i trålaren. Rimfrost/Rimfrost Technologies meiner patentet blei seld frå Emerald Fisheries til Rimfrost i desember 2012, betalt året etter og tilhøyrer dei.
Uavhengig av korleis retten kjem til å vurdere eigedomsretten til patentet er argumentet til Lund at resten av produksjonsprosessen er knytt til patent som er, og alltid har vore, eigd av Rimfrost. Det hjelper ikkje å berre ha det eine patentet for å kunne produsere fram til eit produkt som kan seljast i marknaden.