Ventar på Statens Vegvesen

Utbyggingsplanane er ein av grunnane til at H.I. Giørtz Sønner vil bygge ny butikk og større like ved dagens butikk og buss-haldeplass. Men selskapet vil og ha med offentlege instansar for å bygge i innfartsparkering og ein utvida kommunikasjonsknutepunkt i tilknyting til butikken.

Ordførar Harry Valderhaug i Giske kommune seier kommunen er positiv til planen, men ventar på Statens Vegvesen, som nettopp er i gang med ei konseptvalstudie av tunnelane mellom Ålesund og Valderøya. Det er venta auka trafikk, og innfartsparkering med tilhøyrande utvida kollektivtransporttilbod er eitt alternativ til å utvide kapasiteten i tunnelane.

Statsbudsjettet 2022

Seniorrådgivar Håvard Austvik i Statens Vegvesen seier pengar til ei eventuell utbygging av ei innfartsparkering og eit kommunikasjonsknutepunkt for kollektivtransport tidlegast kan kome med statsbudsjettet for 2022, som blir lagt fram hausten 2021. Både pengar til investering i anlegget og driftstilskot blir vurdert, i følgje Austvik.
Statens Vegvesen er også i samtalar med partnarar i framtidslaboratoriet til Ålesund kommune, der mellom andre H.I. Giørtz Sønner og Ålesund og Giske kommuner er med.

Bustadar og kontor

H.I. Giørtz Sønnen har planlagt eit bygg med butikk på gateplan, som og kan få ei kontoretasjen og tre etasjer med bustadar på toppen.
Illustrasjonen viser dagens butikk/kontor/hotellbygg til venstre, med det planlagte nybygget mellom dagens bygg og småbåthamna.
Får H.I.Giørtz kommunar og andre offentlege instansar med på finansiering blir det bygd eit anlegg med 350 – 450 bilparkeringsplassar, og 150–200 sykkelparkeringsplassar under tak, med direkte tilgang til trafikkterminalen frå sykkel- og pendlarparkeringa. Om ikkje blir det bygd parkeringsplassar berre til butukkbygget.