Vekst for Geiranger Bryggeri
GOD START MED DUGNAD: Kenneth Løken og Frank Maråk i Geiranger Bryggeri ligg an til å passer to millionar kroner i driftsinntekter i år. Så langt blir bryggeriet drive på dugnad av eigarane.
Nytt

Vekst for Geiranger Bryggeri

Neste år kan det bli jobb å få i Geiranger Bryggeri.

19.07.2017
I sitt første heile driftsår selde Geiranger Bryggeri for over 1,7 millionar kroner. I år passerer bryggeriet to millionar med god margin.
Med null lønskostnadar blei det også god lønsemd av brygginga i fjor (sjå tabell). Arbeidet er rein dugnagsinnsats frå eigarane, men neste år kan det blir rom for å tilsette folk, i alle fall på deltid.

Bryggeriet kan i gang med private lån i ryggen, og når dei er tilbakebetalt er det tid for å sjå på bemanning, seier dagleg leiar og medeigar (33,33 prosent) Frank Maråk.

Landsdekkande distribusjon

Det er Geiranger og sommarsesongen som tel mest for Geiranger Bryggeri, men bryggeriet har og fått distribusjon til ei rekkje butikkar og restaurantar på Nordvestlandet.
I vinter fekk dei og ein avtale om landsdekkande distribusjon til Norgesgruppen sine butikkar.

Fleire konkurrentar

Trollbryggeriet i Liabygda på Stranda var først ute med å etablere småbryggeri på Nordvestlandet, i 2009.
Etterpå har Trolbryggeriet fått konkurranse frå Tonga Gardsbryggeri (Nordal), Grim & Gryt (Hareid), Geiranger Bryggeri (Geiranger), eit relansert Baatbryggeriet (Vestnes), Olden Bryggeri (Olden) og Molo Brew (Ålesund).

Publisert: 19.07.2017 11:40

Sist oppdatert: 27.05.2022 09:31

Mer om