Vann ikkje fram i retten

Sunnmøre tingrett tek ikkje kravet om mellombels stans av arbeidet med å bygge vindkraftverk på Haramsøya, ifølgje torsdag.
Lokale vindkraftmotstandarar gjekk gjennom gruppa «Nei til vindkraftverk på Haramsøya», til sak for å få utbygginga av vindkraftanlegget på Haramsøya mellombels stoppa.

Har bestemt seg for anke

– Vi er sjølvsagt skuffa, og samtidig var det ikkje heilt uventa, seier leiar Birgit Oline Kjerstad i «Nei til vindkraftverk på Haramsøya» til NETT NO etter dommen.
Torsdag ville styret i organisasjonen gå gjennom dommen saman med sin advokat, og finne ut om dei skulle anke.
– Dette handlar om veldig viktige verdiar for oss her på Nordøyane, påpeiker Kjerstad.
Torsdag ettermiddag kom avjgerda om at styret har bestemt seg for å anke saka vidare i rettssystemet.

950.000 i sakskostnader

Dei lokale vindkraftmotstandarane meiner det er gjort fleire saksbehandlingsfeil som gjer konsesjonen ugyldig og at dei ikkje har blitt godt nok høyrde. Gruppa har kravd at arbeidet med vindkraftanlegget blir mellombels stoppa fram til konsesjonsspørsmålet blir behandla i ei rettssak.
Det er dette kravet Sunnmøre tingrett no har avvist. Ifølgje dommen må dei ut med 950.000 kroner i sakskostnader til Haram Kraft.
Utbyggingsselskapet Zephyr har på si side tilbakevist alle påstandar om saksbehandlingsfeil og sagt at dei kjenner seg trygge på at konsesjonen Haram Kraft har fått, er lovleg.

Les også: