Valutatap, oppkjøpskostnadar og medfølgjande auka avskrivingar er grunner til at det blei minusresultat i andre kvartal, i følgje kvartalsrapporten til Hexagon Composites for andre kvartal.
Selskapet varsla på presentasjonen i dag også at lønsemda i tredje kvartal blir den svakaste for selskapet i år.

Ved børsopning i dag blei aksjen handla til 30,35 kroner pr. aksje, ned frå 33,40 kroner pr. aksje i går, tysdag 13. august. På topp, i mai i år, var kursen 43,90 kroner pr. aksje.

Hexagon Composites måtte bokføre eit valuttap på 12,4 fire millionar kroner i andre kvartal. I andre kvartal fekk selskapet renteutbetalingar til obligasjonslånet som blei tatt opp får å kjøpe full kontroll i datteselskapet Agility Fuel Solutions i USA. Finanspostane i andre kvartal 2019 var minus 34 millionar kroner mot pluss 16 millionar i andre kvartal 2018. I tillegg auka avskrivingane på grunn av at Hexagon Composites no eig heile Agility-selskapet.

Størst i selskapet

Agility Fuel Solutions lagar drivstofftankar og -system, mellom anna til lastebilar og bussar.
Selskapet er det største forretningsområdet for Hexagon Composites med 894 millionar kroner i driftsinntekter og 36,6 millionar kroner i driftsresultat i første halvår i år. I andre kvartal i år var driftsinntektene 450 millionar kroner og driftsinntektene 10,2 millionar kroner. I tilsvarande perioder i 2018 hadde forretningsområdet minustal.

Minus på hydrogen

Det er satsinga på hydrogen som har løfta aksjekursen i Hexagon Composites sidan i fjor sommar.
Hexagon Composites ventar ein stor marknad for tankar og drivstoffsystem for bruk av hydrogen i bilar, bussar, tog og skip, og har tidlegare spådd overskot på hydrogensatsinga frå og med 2021.
I presentasjonen sin i dag la Hexagon Composites-sjef Jon Erik Engeset fram selskapets nye vurderinger ) av marknadsutviklinga 5-10 år framover. Bodskapen var kraftig vekst, spesielt på grunn av overgang til bruk av naturgass, hydrogen- og elektrisitet som energi i transportmiddel.
Hydrogensatsinga er samla i Hexagon Purus, som hadde 240 millionar kroner i driftsinntekter i først halvår og eit driftsresultat på minus 39 millionar kroner.

Selskapet offentleggjorde tidlegare i sommar at ein avtale på mellom 400 og 600 millionar kroner med ein ikkje namngitt personbilprodusent er utsett. Det kan blir fleire slike utsetjingar på hydrogenkontrakter, ifølgje Engeset. Grunnen er at kundane vil ha meir tid til å utvikle hydrogenteknologien, i følgje Engeset på presentasjonen i dag.

Samanlikna med første halvår i fjor har driftsinntektene til Hexagon Purus auka med 60 prosent.