Ulstein satsar med digital partnar

Saman med tyske Schottel skal Ulstein satse på optimalisering av skipsoperasjonar med digitale tenester i det omdøypte Blue Ctrl.
Dotterselskapet Ulstein Blue Ctrl vert skilt ut som eit sjølvstendig selskap under det nye namnet, og partnarane skal eige 50 prosent kvar av aksjane i selskapet, ifølgje ei fredag.
– Det er mange likskapar mellom selskapa våre, og vi er begge privateigde. Dette gir moglegheit for å jobbe langsiktig med å utvikle nye forretningskonsept. Produkta våre utfyller kvarandre godt, seier visekonsernsjef Tore Ulstein i Ulstein Group.
I dag er eig Ulstein Group heile selskapet, som fram til i fjor var registrert med selskapsnamnet Ulstein Offshore.

Les også:

Vil straumlinjeforme data

Blue Ctrl sine produkt og system vert basert på plattforma X-Connect, som Ulstein har utvikla sidan 2011. Det er ei universell digital plattform for marin automasjon, styring og overvaking.
– All funksjonalitet i systemet er førehandsdefinert og med moglegheit for tilpassing for å støtte filosofien om å konfigurere, kople til og starte opp. I tillegg til system for nybyggingsprosjekt, vil det nye samarbeidet også tilby system som er eigna for oppgraderingar av skip, heiter det i pressemeldinga.
Visekonsernsjefen trur at ein ved å straumlinjeforme data mellom systema om bord, kan oppnå lågare forbruk av drivstoff og reduserte klimautslepp.

Tradisjonsrik partnar

Schottel med sine nær 100 år lange historie, har lange tradisjonar for å utvikle styrings- og automasjonssystem for ulike framdriftssystem på skip.
Dei har levert svært mange framdriftsstyringssystem til skipsbruer, og har kring 100 sals- og servicestader over heile verda. Konsernet har hovudkontor i tyske Spay.

Les også: