USA-gjennombrot for Metizoft

- Ein strategisk viktig avtale, seier marknadsdirektør Øyvind Sundgot i Metizoft.
Avtalen dreier ser om vedlikehald og kvalitetssikring av alt potensielt miljøfarleg materiale i heile levetida il eit skip. Dette er i samsvar med nye og strengare internasjonale miljøkrav.
Harvey Gulf skal i første omgang nytte seg av Metizoft sine tenester på ti skip som alt er i drift.
Det New Orleans-baserte selskapet har totalt 52 offshoreskip i flåten.
- Framtidige nybygg vil vere gjenstand for kontinuerleg vedlikehald og kvalitessikring gjennom Metizoft, seier Harvey Gulf-direktør Corby Autin, i ei pressemelding.

Miljøfokus

Han opplyser at avtalen med Metizoft sikrar at all IHM-dokumentasjon (Inventory of Hazardous Materials, red. merk) er vedlikehalden i samsvar med gjeldande regelverk og at Metizoft bidreg til å sikre at selskapet held krava til eikar tid.
- Vi er svært glade for å være ein partner i miljøarbeidet for Harvey Gulf. Dei ønskjer å fokusere på miljøet med sin flåte.
- Samarbeidet viser at Harvey Gulf er strategisk i sine val med tanke på framtidige krav, som no er en faktiske krav, seier Sundgot i pressemeldinga.

Strengare krav

Sundgot opplyser at nye EU-krav medfører at alle EU-flagga fartøy på over 500 bruttotonn vil verte pålagde å ha ei kontinuerleg oppdatert liste over miljøfarlege stoff.
- Når fartøy med opphav utanfrå EU kjem til EU-hamner, vil også desse verte pålagde krava. Dette betyr i klartekst at vedlikehald og kvalitetssikring av dokumentasjon er styrka, og det vil derfor vere svært viktig for eigarane å ha kontroll på dette, seier Sundgot.
Metizoft har sidan starten for åtte å sidan sytt for fokumentasjon til 650 nybygg. Bedrifta samarbeider med leiande verft og reiarlag.