Tung satsing i Polen

I 2011 kjøpte Måløyselskapa Babord Seafood AS (55 prosent), Carisma Fish (22,5 prosent) og Selected Seafood (22,5 prosent) den polske fiskeindustribedrifta Premium Seafood SP. (Agnar Lyng eig sjømatselskapet Babord Seafood as gjennom sitt heileigde selskap Sirean as).
Frå å fileterer flyndre og småtorsk frå Østersjøen la dei norske eigarane om til å fileterer og vidarerforedle oppdrettslaks og kvitfisk (torsk, sei og hyse) frå Norskehavet og Atlanteren til butikk-klare produkt for den europeiske marknaden.
Eigarane frå Måløy hadde investert 35 millionar kroner i fabrikken,

Pengar tapt

I dag er det Babord Seafood og Carisma Fish som eig Premium Seafood SP.
I 2016 og 2017 skreiv Babord Seafood ned verdien av fordringar på Premium Seafood SP med tilsaman 30 millioner kroner. Det går fram av årsrapporten til Babord Seafood for 2019.
Polen-satsinga er framleis utfordrande:
"Styret er ikke tilfreds med fremdriften i restruktureringsarbeidet av bedriften Premium Seafood i Polen og konstanterer at dette arbeidet pågår også i 2020. Det har imidlertid vært avklaringer mht. videre satsning som legger til rette for en videre positiv volumutvikling", skriv styret i årsrapporten for 2019.

I orden i år

Ved utløpet av 2018 hadde det polske selskapet ein negativ eigenkapital på cirka 90 millionar kroner.
"Det er foretatt en rekke ulike tiltak i selskapet for å kunne forsikre om endring av utvikling i selskapet og sikre interessene til Babord Seafood" heiter det i årsrapporten for 2019.
Blant tiltaka er omgjering av gjeld til eigenkapital. Samstundes er dei største investeringane i produksjonsanlegget tatt og Agnar Lyng seier han reknar med at restruktureringa Premium Seafood vil vere unnagjort i løpet av året.