Ålesund-selskapet omsette i fjor for 121,8 millionar kroner, mot 130,2 millionar året før.
Resultatet før skatt enda på 13,8 millionar, mot 25,7 millionar i 2015.
Dagleg leiar Hans Ove Holmøy forklarer nedgangen med at ein del nye kontraktar på haustparten let vente på seg.

- Svært godt i år

Han er likevel bra nøgd med fjoråret.
- Trass det fortsatte bortfallet innan offshore opprettheldt vi full arbeidsstyrke og tilnærma full aktivitet.
Holmøy seier at 2017 så langt ser svært bra ut.
- Vi forventer eit klart betre resultat i år.
Designselskapet eig selskapet Skan-El, som driv med prosjektering av elektroninstallasjonar. Dette selskapet omsette i fjor for 15,7 millionar kroner og hadde eit resultat før skatt på 4,5 millionar.

Avventar tyrkisk skipsbygging

I tillegg har Skipsteknisk dotterselskapet Skipsteknisk Mühendislik i Istanbul i Tyrkia, eit selskap som leverer skipsdesign.
Dette selskapet omsette i fjor for 11,6 millionar kroner, og fekk eit resultat før skatt på 0,4 millionar.
Skipsteknisk har vore av dei mest aktive norske selskapa i Tyrkia, men Holmøy opplyser at ein no er avventande til Tyrkia som skipsbyggingsnasjon.
- Mykje er avhengig av den politiske utviklinga i landet.

Stor russisk aktivitet

Dette kan vere godt nytt for norske verft.
- Vi håpar på opptil fleire kontraktar på norske verft utover hausten, seier Holmøy.
Om han er avventande til Tyrkia, er han svært optimistisk med tanke på fleire kontraktar med russiske selskap, der det mellom anna er på gang ei storstilt utskifting av russiske fiskefartøy.
- Innan fiskeri har vi mykje på Russland om dagen, men det er også godt fordelt på andre land, inkludert Norge.

Ikkje heilt dødt i offshore

I tillegg til fiskeri, har Skipsteknisk hatt ei rekkje store oppdrag innanfor forsking og andre spesialfartøy.
Les her:
- På oljerelatert offshore er det svært lite av, men ikkje heilt dødt heller, seier Holmøy.
Skipsteknisk-konsernet har no 70 tilsette, der staben er auka med fem i løpet av året.
Les her:
Hans Ove Holmøy og Bjørn Oscar Kløvning, salssjef fiskeri, er hovudeigarar av Skipsteknisk med 28 prosent av aksjane kvar. Dei øvrige eigarane er Kjell Jarle Holmøy med 17 prosent, Robert Teige med 15 prosent og Karsten Teige med 12 prosent.
Eigarane kan no fordele eit utbyte på ni millionar kroner for fjoråret.