Tre av mannskapet er koronasmitta

To av mannskapet om bord i det Kleven-bygde ekspedisjonscruiseskipet Roald Amundsen er stadfesta smitta av korona.
Skipet ligg no isolert vei kai i Tromsø.
Det skriv Hurtigruten i ei .
Dei smitta har, i følgje pressemeldinga, vore isolerte på skipet i fleire dagar grunna annan sjukdom.
Dei skal no vere innlagde på Universitetssykehuset Nord-Norge.

Avlyser cruise

Hurtigruten opplyser at alle dei 160 besetningsmedlemane om bord vil bli testa.
- Sikkerheita til våre gjestar og tilsette er Hurtigrutens viktigaste prioritet. Vi har god og løpande kontakt med Folkehelseinstituttet (FHI), Tromsø kommune, UNN og andre ressursar både lokalt og nasjonalt, seier kommunikasjonssjef Rune Thomas Ege i Hurtigruten, i pressemeldinga.
Roald Amundsen har vore til Svalbard, og skal ha hatt rundt 200 pasasjerar om bord.
Skipet skulle gått til Svalbard fredag ettermiddag. Dette cruiset blir avlyst.
Den neste reisa med skipet er ikkje planlagt før i starten av september.

Kontaktar reisande

Hurtigruten opplyser at ein no jobbar med å kontakte gjester på MS Roald Amundsens avgangar 17. og 24. juli.
Hurtigruten oppfordrar alle gjestar til å følgje råd frå myndigheitene, og ta kontakt med sitt lokale helsevesen dersom ein skulle oppleve symptomar.
Til avisa Nordlys seier Tromsø-ordførar Gunnar Wilhelmsen at kommunen har sett krisestab.