Tre-årskontrakt for Island Offshore-skip

Skipet skal brukast som eit kombinert forsyningsskip og "walk to work-farty". Det skal utstyrast med gangveg, batteripakke og skal kunne ladast frå land. Skipet kan huse 60 personar.
Kontrakten gir oppdrag til både Ulmatec og Uptime, som samarbeider om gangvegløysingar.

Frå spotmarknaden

Island Clipper seglar i dag i spotmarknaden.
Kontrakten gjeld frå 1. april 2019 og Equinor har opsjonar på å leige skipet i ytterelegar to år, følgje ei pressemelding frå Island Offshore.
- Dette er eit veldig spennande prosjekt for oss, og det er spesielt gledeleg med ei så langvarig kontrakt etter nokre tøffe år i offshoremarknaden. Med Island Clipper har vi no fire plattform supplyfartøy som har blitt tilpassa til walk to work-arbeid, og det viser at satsinga vår på dette segmentet var heilt rett, seier administrerande direktør Håvard Ulstein i Island Offshore Management AS i pressemeldinga.
Island Offshore har i tillegg walk to work-fartøya Island Crown, Island Condor og Island Diligence.

Håpar å sleppe refinansiering

Ulstein seier til NETT NO at marknaden for offshoreskip var dårleg i sommar, men betra seg frå august og har halde seg brukbart fram til no.
Han ventar at 2019 blir eit betre år enn 2018. Refinansieringsavtalen Island Offshore har med kreditorane gir pusterom til 2020.
Det håpar Ulstein skal vere lenge nok til at selskapet slepp ei ny runde med refinansieringsforhandlingar.