Torpel Energy - ein kopi av Dolphin

Dette seier tidlegare finansdirektør Erik Hokholt i seismikkselskapet Dolphin Geophysical.
Bakgrunnen er at det tysdag dukka opp eit nytt seismikkselskap under namnet Torpel Energy Group ASA.
Selskapet har si eiga , og opplyser at selskapet vart starta i 1999 av , og er eit uavhengig seimikkselskap som leverer ulike tenester.
Men problemet er at båtane som selskapet hevdar å operere er nøyaktig same båtane som konkursråka Dolphin hadde i sin flåte. Her er med ei rekkje skip frå GC Rieber, og endåtil Sanco-skipa Sanco Sword og Sanco Swift, som no går for PGS.

Peikar mot Asia

Hokholt seier at i praksis er heile heimesida til Dolphin Geophysical kopiert.
- Ja, dette er i stor grad copy - paste, seier han.
Hokholt seier at han sjølv fekk tips om denne sida onsdag morgon.
- Vi trur det er nokon i Asia som står bak, og vi prøvar å få fjerna sida. Det er truleg ikkje så lett.

Sikrar verdiar

Han avviser at dei tidlegare Dolphin-leiarane står bak eit forsøk på å starte opp eit nytt seismikk-selskap.
- Nei, i alle fall ikkje på denne måten.
Derimot opplyser han at fokuset no er å sikre verdiar i buet.
- Vi arbeider ein periode for bustyret for å sikre mest mogleg av verdiane. Dette har full fokus no.

Demonby

Ifølgje ulike tolkingar på er Torpel ein demonby som ligg på fjellet Mount Torpel like syd for Nordpolen. Byen har mellom anna unike magnetiske eigenskapar, slik at ein kan gå langs golvet - opp ned.
- Nordpolen? Kanskje det er julenissen som står bak? Det er i alle fall ikkje vi, seier Erik Hokholt.