Tommelen ned for Romsdalsaksen

Diskusjonen om alternativet traseear for ferjefri kryssing av Romsdalsfjorden gjorde at Statens vegvesen fekk i oppdrag å vurdere om det skal utgreiast andre alternativ enn å krysse fjorden frå Vestnes med tunell via Otrøya og vidare med bru til Molde.
I dag la Statens Vegvesen fram konklusjonen.
"Funnene i denne rapporten gir ikke grunn til å anbefale at det iverksettes en ny konseptvalgutredning", seier seniorrådgivar Håvard Austvik i Statens vegvesen i ei pressemelding.

Best for arbeidsmarknaden

Statens Vegvesen har vurdert både Møreaksen, Romsdalsaksen og framleis ferjedrift, men med hyppigare avgangar.
Møreaksen gir mest for pengane og er det einast alternativet som innfrir målet om å skape en felles arbeidsmarknad for Ålesund- og Molde-området, i følgje Statens Vegvesen.

Hard debatt

NHO-direktør Torill Ytreberg i Møre og Romsdal har engasjert seg sterkt mot nye utgreiingar av alternativet kryssingar og Romsdalsfjorden. Ho har frykta at ei ny utgreing vil gjere at kryssinga av Romsdalsfjorden blir skubba langt ut i tid, medan stortingsrepresentanten Sylvi Listhaug (Frp) og fylkestingsrepresentant Frank Sve (Frp) har arbeidd for å utgreie Romsdalsaksen.