Termo Transport auka staben

- Det alle innbiller seg i bransjen er at viss du brukar utanlandske sjåførar så kan du spare pengar og dumpe lønningar, men i praksis er det ikkje slik, seier Brynjulf Nesje i Termo Partner.
Selskapet har spesialisert seg på å frakte blomster- og planter frå Europa til Noreg, og fraktar laks og andre varer sørover.

Stabilitet

Dotterselskapet Termo Partner Transport, som eig bilane og er arbeidsgivar for sjåførane, auka staben til 30 årsverk i 2016. Halvparten av sjåførane som køyrer for selskapet er no tilsett i selskapet, i følgje Nesje.
Bilparken er no oppe i 20 bilar.
Den største gevinsten med eigne tilsette er stabiliteten i leveringane som kjem med faste sjåførar som kjenner rutene, i følgje Nesje.

Redusert laks

Stig Hoel er eineeigar av Termo Partner-selskapa.
I 2014 sa han til NETT NO at selskapet hadde slutta med å frakte laks til Sør-Europa. Konkurransen med utanlandske selskap hadde gjort det for lite lønsamt.
Laksetransporten er ytterlegare redusert i dag, i følgje Nesje.