Tek PSV ut av opplag etter 3,5 år

20. mai 2015 vart forsyningsskipet Island Duke lagt i opplag ved Island Offshore-hovudkontoret i Ulsteinvik.
I dag vart skipet taua derifrå av slepebåten Hunter.
- Vi har fått eit toårs oppdrag med ein kunde vi ikkje kan opplyse namnet på.
- Det er ein norsk aktør, men oppdraget er i utlandet, seier Håvard Ulstein. til NETT NO.

- Får dekt rentene

Han seier at vilkåra var så pass gode at ein valgte å ta båten ut av opplag.
- Det er sjølvsagt gledeleg å få båten frå kai, men det er likevel ingen kontraktar i dagens situasjon som er gode.
- Dette er ikkje minst gledeleg for banken, som får dekt rentene, seier Ulstein.
Båten er no på veg til dokking for den nye kunden.
- Eg kan heller ikkje seie kvar det skjer, seier Ulstein.
Kunden vil sjølv syte for mannskap.

Vard-bygd

Island Duke vart overlevert til Island Offshore frå Vard Brevik i juli 2013.
Skipet er 84,45 meter langt, 17 meter breidt og har eit dekksareal på 800 kvadratmeter.
Island Duke er innreidd for 26 personar.