Tapte pengar etter rekordår

Dette opplyser selskapet i ei pressemelding torsdag.
Totalt omsette selskapet for 1,16 milliardar kroner i fjor.
Resultatet etter skatt enda på minus 39 millionar kroner.

Krevjande maritime prosjekt

I pressemeldinga vert det dårlege resultatet grunngitt med krevjande prosjekt i den maritime verksemda.
- Det er framleis vanskelege tider i den maritime marknaden med sterkt prispress og kompliserte prosjekt mot nye fartøysegment og kundar.
- Både prosjekta vi har i utlandet og her heime har vore krevjande og meir komplekse enn venta, seier konstituert konsernsjef Øyvind Halkjelsvik.

680 tilsette

Han opplyser at det vert jobba hardt for å igjen skape lønsemd i skipsinstallasjonsaktiviteten, samstundes som ein har god breidde i konsernet og verksemda innan landbasert installasjon og varehandel skaper gode resultat.
- Saman med den kompetansen og erfaringa vi har i organisasjonen, gjev dette oss eit godt fundament for vegen vidare, seier Halkjelsvik.
Hareid Group består av tretten heil- og deleigde selskap, og leverer varer og tenester knytt til elektroinstallasjon på land og for skip i tillegg til forbrukarelektronikk.
Konsernet har om lag 680 tilsette, og har hovudkontor på Hareid.
Hareid Group har ti aksjonærar. Dei to største er Bjørn Bjåstad og familien og Bjørn Teigene og familien - begge med 39,9 prosent.