Tankskip gir kontraktrush

Kongsberg Maritime har så langt i år kapra oppdrag til ein verdi av 400 millionar kroner gjennom sist konsept for shuttle-tankarar, melder selskapet.
Til saman dreiar det seg om 12 kontraktar for ulike tankskip som skal byggjast ved skipsverft i Kina og Sør-Kora.

Gir arbeid på Sunnmøre

Oppdraga inneheld utstyrspakkar som gir arbeid til alle divisjonane i Kongsberg Maritime, med dynamisk posisjonering, propellar og maskineri, sensorar og dekksmaskineri.
Kontraktane gir også meir å gjere for avdelingane på Sunnmøre, stadfestar kommunikasjonssjef Anette Wollebæk Bonnevie til NETT NO.
Med omlag 1400 tilsette og anlegg og kontor på Longva, i Brattvåg, Ålesund, Hjørungavåg og Ulsteinvik er selskapet ein av dei største arbeidsgivarane på Nordvestlandet.

– Oppsiktsvekkande

Selskapet har jobba med konsept for slike tankskip som inkluderer smarte styringssystem, og gir mindre behov for service og lågare klimautslepp.
– Shuttle-tankar ordrar i den storleiken ville ha vore godt nytt kva tid som helst, seier Brynjulv Standal som er «vice president» for det globale salet i Kongsberg Maritime i ei :
– At vi klarar å oppnå slike tal i 2020 med dei tilhøyrande utfordringane frå koronapandemien, er ikkje mindre enn oppsiktsvekkande. Vi er veldig nøgd med å støtte det som tydeleg er ein aktiv og veksande marknad, med spesielle behov, som vi er i stand til å forsyne på ein unik måte, legg han til.

Heile Kongsberg Maritime i pluss

Før helga kunne Kongsberg Maritime-sjef Egil Haugsdal fortelje at alle divisjonane i selskapet no går i pluss.
– Vi er ganske fornøgd ned situasjonen, sa Haugsdal under presentasjonen ved Kongsberg Gruppens kapitalmarknadsdag.
Kjøpet av marinedivisjonen til Rolls-Royce medverka til å utvide ettermarknaden for Kongsberg Maritime. Det er blir meir å gjere med å inspisere, reparara og vedlikehalde utstyr frå Kongsberg Maritime har om bord i skip og anlegg verda over.
Ettermarknaden utgjer 51 prosent av driftsinntektene i dag.

Lite nybygging

Sjølv om ettermarknaden er i vekst skuldast den store delen ettermarknaden utgjer av dei totale driftsinntektene, at det er uvanleg lite nybygging av skip på verdsbasis. Demed blir det også bestilt mindre av utstyr som Kongsberg Maritime lagar.
Nybyggingsmarknaden på verdsbasis trur Haugsdal når botnen i år og vil vere omlag tre gangar høgare om fem år.

Les også: