Svenskar vil elektrifisere norsk oppdrett

Det svenske selskapet Subconnected etablerer seg i Norge og lanserer

eit spesialutvikla system for elektrifisering av oppdrettsanlegg.
Bak satsinga står fleire av aktørane i Waves4Power, det svenske bølgjekraftselskapet som i 2017 testa eit bølgjekraftanlegg ved Runde, og toppa det med besøk av kong Harald.
I ei pressemelding frå Subconnected vert det opplyst at satsinga for Waves4Power vert vidareført, medan Subconnected spesialiserer seg og utvikle og levere energisystem til oppdrettsnæringa og andre havbaserte installasjonar.

Over lange avstandar

I pressemeldinga vert det opplyst at selskapet tilbyr høgspentløysingar gjennom dynamiske kablar som kan leggjast over lange avstandar.
- Målet er at vi skal bidra til å gjere norsk oppdrettsnæring både grønare og meir energieffektiv, seier adm. dir Emil Christiansen i pressemeldinga.
Han viser til at eit oppdrettsanlegg som forbrukar 200.000 liter diesel årleg, slepp ut 540 tonn CO2 fra dieselaggregata.
- Med vår løysing slepp ein forureining og ein får ei påliteleg energikilde, seier han.
Selskapet oppløyser at deira løysing er fleksibel, kablane kan flyttast saman med anlegga, systemet kan utvidast og det kan lett knytast på andre energikilder som vind-, sol- eller bølgjekraft.