Storkontrakt til Marina Solutions

Selskapet er inviterte til møte om eit nytt marinaanlegg i Harstad, stadfestar dagleg leiar Torgeir Iversen.
Det handlar om ein flytande molo i fem seksjonar, med småbåtanlegg på innsida. Sjansen for å dra kontrakten i hamn er stor, sidan Marina Solution er den einaste tilbydaren, skriv Harstad Tidende.
Kvar seksjon er på 50 meter, og veg 750 tonn, med "kjellar" i betongkonstruksjonane.

Tok grep

Marina Solutions blei skipa i 2010. Selskapet er registret i Sula, men storparten av dei 15 tilsette er stasjonert ved kontoret i Ørsta.

2014 enda med eit underskot på 2,2 millionar kroner, og selskapet tok grep for å få attende lønsemd. Da førde selskapet tilbake i pluss i 2015 (sjå tabell).
- Meir fokus på prosjektstyring og forbetring av interne system i bedrifta, seier Iversen om kva som er gjort.

Aukar lønsemda

Iversen reknar med å gå ut av 2016 med ei betre lønsemd enn i fjor, og minst like store driftsinntekter som i fjor.
Kontrakten i Harstad er i nærleiken av rekordkontrakten Marina Solutions inngjekk i Trondheim i 2015 (over 40 millionar kroner, med moglege utvidingar).

Ulstein Betong skal vere underleverandør på betongkonstruksjonane. Ulstein Betong er også medeigar i Marina Solutions.