Stor havbrukskontrakt for Farstad

Kontrakten er med Ocean Farming, eit dotterselskap i Salmar-konsernet, opplyser Farstad Shipping i ei børsmelding fredag.
Kontrakten er eit pilotprosjekt og gjeld både fortøyingsinstallasjon og oppankring av Ocean Farming sitt halvt nedsenkbare offshore oppdrettsanlegg.

Nordsjøflåten

I tillegg til gjennomføring av sjølve installasjonane, inneber kontrakten også prosjektleiing.
Båtane som skal nyttast er ankerhandterar som opererer i spotmarknaden frå Farstad si Nordsjøflåte.
Oppstart av kontrakten er forventa å skje i løpet av første halvår 2017.

Stor erfaring

Partane oppgir ikkje kontraksvilkåra, men Farstad Shipping skriv i børsmeldinga at kontrakten stadfestar den høge kvalitet og kompetansen som Farstad Shipping har i sin organisasjon.
- Vi har ein omfattende erfarings- og kunnskapsbase i selskapet knytta til fortøyings- og oppankringsoperasjonar offshore, og som har vore avgjerande for å sikre oss denne kontrakten.
- Vi set stor pris på den tillit Ocean Farming viser Farstad Shipping, seier konsernsjef Karl-Johan Bakken i børsmeldinga.

Ny marknad

Han seier at kontrakten opnar ein ny marknad for utnyttinga av stører ankerhandterarar.
- Vi er svært tilfreds med å bidra til at dette pilotprosjektet blir ein suksess, og ser fram til den vidare utviklinga av denne marknaden, seier Bakken.