Dette går fram av rapporten for første kvartal i Polaris-konsernet.
Totale abonnement i Sunnmørsposten, Romsdals Budstikke og lokalavisene i nordvest var i første kvartal i år på 70.637, mot 65.134 for eitt år sidan.
Men det er på digitale abonnement at veksten kjem. Antal digitale abonnement auka i same perioden frå 8.557 til 14.000.

Tre kvartal med vekst

Dei samla inntektene er derimot stabile, med 88 millionar kroner i første kvartal i år, det same som for eitt år sidan.
I heile Polaris-konsernet auka derimot inntektene frå 373 til 374 kroner, og driftsresultatet frå 22 til 24 millionar kroner. 11 millionar av denne summen kjem frå trykkeriverksemda.
I ei pressemelding seier konserndirektør Per Axel Koch seg glad for at mediekonsernet har inntektsvekst for tredje kvartal på rad.
Totalt antal abonnement auka med 5 prosent til 193 092 (184 414), der antal digitale abonnement auka med heile 69 prosent til 48 515 (28 780).

- Dyktige journalistar

Samla abonnementsinntekter auka med 7 prosent i første kvartal til 135 (126) millionar.
- Det er gledeleg at bruken av dei digitale innhaldsprodukta aukar stadig. Grunnlaget for dette vert lagd ved at våre dyktige journalistar lager godt redaksjonelt innhald og bidreg til å setje dagsorden.
- Støtta av auka fokus på analyse og innsikt i leservaner og kjøpervaner, er eg trygg på at veksten vil fortsette, seier Koch.
På minussida kjem at dei samla annonseinntektene vart reduserte frå 154 til 149 millionar kroner, men der dei digitale annonseinntektene auka frå 50 til 55 millionar kroner.

Stor Finn-verdi

Konsernet kan også glede seg over at deira eigardel på 9,99 prosent i Finn.no stadig aukar i verdi. Eigardelen vert no verdsett til 1.272 millionar kroner, opp 107 millionar på eitt år.
Schibsted er største eigar i Polaris Media med 32,1 prosent. Andre eigarar over ti prosent er NWT Media med (29,3), Must Invst (16,3) og Sparebank1 SMN Invest (12,7).
Polaris Media Nordvestlandet består av mediehusa Sunnmørsposten og Romsdals Budstikke, samt dei lokale mediehusa Vikebladet Vestposten, Sunnmøringen, Driva, Åndalsnes Avis, Fjordingen, Fjordenes Tidende, Møre-Nytt, Herøynytt,Vestlandsnytt, Fjuken (74%), Vigga (59%), Fjordtrykk/Fjordabladet (59%), og Dølen (50%).
I tillegg inngår Nordvest Distribusjon AS og morselskapet Polaris Media Nordvestlandet AS.