Skipsdåp på overtid

"Island Dilligence" er ein av tre plattformforsyningsskip som Island Offshore skulle få leverte frå Vard Breivik i 2015/2016.
Nedturen i oljebransjen gjorde at reiarlag og verft blei samde om på skyve på tidspunkt for overlevering, men no er det første av dei tre skipa døypt og overtatt av Island Offfshore.

Hotellskip og vindkraft

Undervegs har Island Offshore fått "Island Diligence" ombygd til eit kombinert hotell- og serviceskip med innkvartering for 100 personar og ein teleskopisk gangvei som gjer at servicefolk kan gå trygt frå skipet og over på offshore- og vindkraftinstallasjonar.
Skipet er og utrusta med ei offshorekran, skriv Vard i ei pressemelding.

Seks ombyggingar

Island Offshore har fått bygd om i alt seks farty for å kunne operere i andre marknad enn som forsyningsskip.
Administererande direktør Håvard Ulstein i Island Offshore seier dette i pressemeldinga:
"Vi er svært tilfreds med å endleg kunne sette Island Diligence i drift. Vi har stor tro på at servicemarkedet innenfor vind og også offshore blir sterkt framover og at båten vil bli godt mottatt av brukerne. Island Diligence er det 6 PSV-fartøyet i vår flåte som er blitt bygget om til andre formål, og det viser hvor anvendelig denne type tonnasje er.