Skal leie ABB si havbrukssatsing
ABB: Gunnar Hide er tilbake i ABB-konsernet, no som leiar av satsinga mot havbruk.
Nytt

Skal leie ABB si havbrukssatsing

- Ei utruleg spennande stilling. Dette gler eg meg verkeleg til.

13.12.2018
Det seier Gunnar Hide frå Hareid som er tilsett i stillinga som Country Lead, Food & Beverage, i ABB-konsernet.
Hide får ansvaret for å leie arbeidet mot den norske marknaden, men vert også sentral i ABB si globale satsing mot havbruksnæringa.
- Havbruk er det eg kjem til å arbeide klart mest med, inkludert at eg leier arbeidet vedrørande Center of Excellence-satsinga til ABB rundt havbruk.
Hide kjem frå ei direktørstilling i Ulstein Power & Control AS,, og arbeidde frå 2000 til 2009 i ulike leiarstillingar for ABB i Ulsteinvik.

Digitalisering

Han ser store mulegheiter for teknologiutvikling innanfor havbruk.
- Skal næringa få kontroll med, samt få redusert kostnadene pr kilo produsert laks, må ein ta kontroll over verdikjeda ved å styre og kontrollere denne på ein endå betre måte enn i dag.
- Dette betyr i stor grad å nyttiggjere seg ny teknologi innan automatisering og digitalisering for å auke inntektene, redusere kostnadene, redusere risiko samt redusere det miljømessige fotavtrykket.
Hide meiner at ABB har ei unik mulegheit til å lukkast innanfor dette segmentet.
- Kodeordet er digitalisering, blant anna gjennom å utarbeide og implementere løysingar som gir god beslutningsstøtte og derved bidreg til kostnadsreduksjon pr kilo produsert laks gjennom produkt, datainnsamling, prosessering og visualisering for overvaking og styring, i sann tid.

- Fordel med Norge

Hide meiner at det er ein stor fordel å leie dette arbeidet frå Norge.
- Det er her havbruksnæringa er klart størst og det er her ein er nær dei store globale aktørane og industraliseringa er komen klart lengst.
- Men vi vil også sjå på marknadane i Chile, Canada, Island, Færøyane og andre stader, samt at vi også ynskjer å satse på samarbeidsprosjekt med næringa.
Han kjem til å leie satsinga frå ABB si avdeling på Stålhaugen i Ulsteinvik.
Kodeordet er digitalisering

Publisert: 13.12.2018 12:55

Sist oppdatert: 10.02.2021 14:29