Holst-Dyrnes blir erstatta av Roger Lunde, fortel Ekornes i ei børsmelding.

Roger Lunde kjem frå jobben som administrerande direktør i Brødrene Dahl og tek til i jobben 24. februar. Holst-Dyrnes skal halde fram som rådgivar for leiinga i ei overgangsperiode.
– Styret er svære fornøgd med Olav Holst-Dyrnes sin innsats. Vi har samarbeida godt og ønskjer ham lykke til vidare. Samstunder er vi glade for å kunne offentliggjere tilsetjinga av Roger Lunde som ny konsernsjef, seier styreleiar Ruihai Zhao i Ekornes as, i børsmeldinga. Ruihai Zhao er også er styreleder, konsernsjef og hovedeier i Qumei Home Furnishing Group.
Holst-Dyrnes seier i meldinga at tida er komen for å søkje nye utfordringar. Lunde seier i meldinga at han gler seg til å bli kjent med virksemda medarbeidarane og kundane, og til å bidra til å forløyse det store potensialet selskapet har.

Gjekk til styret

Olav Holst-Dyrnes seier til NETT NO at det var han som tok initiativet til prosessen som leidde fram til leiarskiftet.
- Eg har hatt ein diskusjon med styret - initiert av meg - om korleis vi skal gjere det framover, seier Holst-Dyrnes.
Holst-Dyrnes peikar på handteringa av eigarskiftet i 2018, då Ekornes blei kinesisk eigd, som det han er spesielt godt nøgd med i si tid som Ekornessjef. I tillegg trekkjer han fram at produktporteføljen for Stressless-møblar er utvida, butikkleddet forbetra, vekst i datterselskapet IMG og av madrassproduksjonen er snudd frå minus til pluss.
Den viktigaste utfordringa for Ekornes framover, meiner Holst-Dyrnes er å få auka sal for alle deler av verksemda, og spesielt Stressless.

Fisketur

Det blir ein pause før Holst-Dyrnes vurdere kva han skal gjere etter Ekornes.
- Eg skal i alle fall bruke båten til å fiske litt meir, seier Holst-Dyrnes om planane for den næraste framtida.

Kostanadskutt

- Det er ei utfordring å få heva lønsemda, sa Holst-Dyrnes då han fekk Ekornes-jobben i 2014.

Eitt at tiltaka for å få ned kostnadane var å legge ned sofaproduksjons-avdelinga i Hareid og flytte den delen av produksjonen til Sykkylven.

I fjor haust kom melding om nye kostnadskutt.

Stressless-nedtur

Eit anna problem for Ekornes har vore å få vekst i salet.

I følgje det sist tilgjenglege reknskapet, for 3. kvartal 2019, fall driftsinntektene frå Stressless-stolar og -sofaer falle med sju prosent dei første ni månadane i 2019 samanlikna med dei første ni månadane i 2018.
Talet på Stressless sofa- og stolsete gjekk ned frå 1439 om dagen i gjennomsnitt i årets ni første månader i 2018 til 1253 seter om dagen i same periode i 2019.

Kinesiske eigar

Då Olav Holst-Dyrnes kom til Ekornes i 2014 var det eit børsnotert selskap med mange eigarar, med finansielle investorar i spissen.
23. mai 2018 overraska Ekornes både aksjemarknad og lokalsamfunn med å fortelle at selskapet skulle bli kinesisk eigd.