Ser endeleg litt lysning
SOLSTAD: Lars Peder Solstad og Solstad Offshore med nye kontraktar.
Nytt

Ser endeleg litt lysning

Solstad med fleire nye kontraktar, og melder om gradvis betre marknad.

08.02.2019
Solstad har sikra seg lengre kontraktar for tre av sine store PSV-ar.
Normand Service, tidlegare Sea Spider, har fått 180 dagar fast kontrakt, med opsjon på opp til sju månader, med selskapet Geo Sea.
Normand Service, eller eit søsterfartøy, skal bistå under installasjon av vindparken Firth Eastern Development, med oppstart i andre kvartal i år.
Sea Spider og Sea Supra har fått tre månaders arbeid kvar, pluss opsjonar, med ein klient som Solstad ikkje oppgir.
I tillegg har Sea Spear fått kontrakt med Saipem i Middelhavet. Arbeidet startar i februar og varer i 45 dagar, pluss opsjonar.

Brasil-arbeid

Solstad har også inngått ny kontrakt for ankerhandlaren Far Sagaris. Kontrakten er med Queiroz i Brasil.
Den nye kontrakten er på 95 dagar, pluss 180 dagar med opsjonar.
Far Sagaris skal bistå under produksjon i Atlanta Field i Santos-bassenget. Normand Pioneer erstattar samstundes Far Sagaris i eit eksisterande oppdrag for Queiroz.
Solstad opplyser at dei siste kontraktane bidreg positivt til selskapets ordrereserve, og reflekterer ein gradvis betre marknad.

Publisert: 08.02.2019 09:12

Sist oppdatert: 10.02.2021 14:31