Saferoad i pluss

Investeringane i samferdselssektoren i Saferoad sine marknadar er venta å auke md 5-6 prosent årleg framover, skriv selskapet i halvårsrapporten for 2017.
Det er denne veksten Saferoad skal ta ein bit av.

Børsfall

Aksjekursen i Saferoad har falle 10 prosent etter at selskapet blei børsnotert 29. mai i år. Saferoad-aksjen blei i går handla til 27 kroner aksjen, som verdset selskapet til 1,8 milliardar kroner.
Ved kapitalutvidinga før børnotering sikta Saferoad seg først mot ein verdi på 2,6 milliardar kroner for selskapet. Undervegs blei den redusert til to milliardar kroner for å få mange nok investorar med.

Då det svenske investeringsfondet Nordic Capital kjøpte Saferoad i 2008 betale det minst 1,8 milliardar kroner til dei tidlegare eigarane.

2700 tilsette

Saferoad-konsernet omfattar i dag 2700 tilsette fordelt på 60 selskap. Konsernet har produksjon i 12 land.
Saferoad lagar autovern, lysmaster, boltar og anna veg- og tunnelsikringsutstyr, med dotterselskapet Vik Ørsta som den største og mest lønsame delen av konsernet.

Svensk problem

Saferoad skriv i halvårsrapporten at selskapet ventar at tiltak for å kutte kostnadar og auke effektiviteten gradvis vil auke lønsemd. Men i Sverige slit selskapet meir enn venta. Det har tatt lengre tid å rette opp drifta der, og selskapet kjem med nye tiltak for å få opp lønsemda i Sverige.
Du kan lese meir om Saferoad og resultat til andre børsnoterte selskap på Nordvestlandet under Relaterte saker