Rostein byggjer nytt

Brønnbåten skal leverast i 2020 og blir bygd for å kombinere diesel- og batteridrift.
Det fortalde viseadministrerande direktør Glenn Bradley i Rostein til Stortingets næringskomite, som er på besøk på Sunnmøre i dag.
Båten blir brønnbåt nummer 15 for Rostein, som med den siste kontraheringa har bestilt seks skip for tilsaman rundt to milliardar kroner frå 2014 til i dag. For verftet er brønnbåten bygg nummer 65. Den har ein lastekapasitet på 3900 kubikkmeter.

Over 350 millionar kroner

Nybygget vil koste mellom 350 og 400 millionar kroner, i følgje Bradley.
Han seier fartyet skal leverast i februar 2020.
Om skipet allereie er utleigd og eventuelt kven som som skal leige skipet vil Bradley førebels ikkje kommentere.

Etterspørsel

- Vi byggjer fordi vi ser ein enorm etterspørsel etter det vi kallar kategori A-brønnbåtar, brønnbåtar som har eit komplett tenestetilbod, seier Bradley.
Båten blir også bygd ut frå eit berekraftperspektiv, mellom anna ved at ein av fire dieselmotorar - som forgjengarane har - blir erstatta av batteri.