Nett.no Logo
Mega menyMega meny

NETT.NO Abonnement

Registrér ein konto på vår næringsportal for 129,- pr mnd, og få tilgang på:

  • Unike artiklar om økonomi og næringsliv på Sunnmøre og i Nordfjord, som du ikkje finn i andre publikasjonar!
     
  • Tilgang på tenester som Nytt om Namn, Synspunkt og stilling ledig.
     

Med abonnement har du tilgang til NETT NO på alle digitale plattformer - du kan lese når du vil, kvar du vil og i det formatet som passar deg.

129,- pr. mnd.
Skisse av skipsdroner

DRONER: Slik tenkjer Rolls-Royce seg at kapteins- og mannskapslause handelsskip skal fraktre kontainerar mellom ulike hamner. Skipa skal manøvrerast frå skipsbruer på land.

Rolls-Royce lanserer droneskip

Det er ikkje berre droner i lufta som vert ubemanna. No lanserer Rolls-Royce ubemanna handelsskip. Fagrørsla likar det dårleg.

Nyskapinga utfordrar ein industri som årleg omset for over 2000 milliardar kroner. Dette skriv Bloomberg News, som er eitt av fleire internasjonale media som siste dagane har omtala nysatsinga.

Sjølv meiner Rolls-Royce at droneskipa vert tryggare, billegare og vil forureine mindre enn dagens frakteskip.

Ålesund-utvikla
Prototypen for dei revolusjonerande droneskipa er utvikla av Rolls-Royce sitt Blue Ocean Team i Ålesund.

Dette Ålesund-baserte laget har sett opp ein prototype som simulerer 360 graders utsikt frå ei skipsbru.

Rolls-Royce opplyser at kapteinar på land i framtida vil bruke liknande utstyr for å manøvrere hundretals mannskapslause skip.

Aktuelt i Østersjøen
Til Bloomberg News seier Oskar Levander, visepresident for Rolls-Royce si satsing på innovasjon innanfor marine engineering og teknologi, at slike skip til dømes kan brukast mellom hamner i Østersjøen.

Levander er sjølv frå Finland, og kjenner Østersjøregionen godt.

- No er denne teknologien kome til eit nivå der vi kan la dette skje. Samfunnet går også i denne retninga, seier Levander til Bloomberg News.

- Om vi ønskjer å gjere dette, er det no på tide å gå vidare.

DNV skeptisk
Sjølv om satsinga er muleg å gjennomføre, er det ikkje alle som er like sikre på at ubemanna skip vil slå igjennom i marknaden. Ein av dei er Det Norske Veritas-direktør Tor Svendsen.

Bloomberg News siterer Svendsen på ein kommentar han kom med om dei ubemanna skipa på ein konferanse i New York 4. februar i år.

- Den potensielle innsparinga rettferdiggjer ikkje investeringane som er nødvendige for å gjere ubemanna skip trygge, sa Svendsen.

DNV er ein av dei leiande aktørane internasjonalt på sikkerheitssertifisering av skip.

- Personleg trur eg ikkje der er store innsparingar ved å bruke ubemanna skip. Men teknisk er det mogleg, sa Svendsen.

Negativt forbund
Også fagrørsla er negativ.

- Eg kan ikkje og vil aldri erstatte auga, øyrene og hjerna til profesjonelle sjøfolk, uttalar leiar Dave Heindel i det internasjonale transportarbeiderforbundet i ein epost til Bloomberg News.

Les meir her.

Siste artikler

Solstad ber kreditorane om hjelp

Offshoregiganten Solstad må til med ny refinansieringsrunde. Aksjen stuper.

Inngår samarbeid med miljøstifting

Fjord1 med treårig samarbeidsavtale med Zero.

Utvidar ved Gjøsund

På Valderøya driv Bjørn-Kristian Risøy ein av dei største Rema-butikkane i på Nordvestlandet. No skal det bli fleire butikkar.

Vil ut av fastlåst strid med Russland

Noreg må ta initiativ for å få opne fiskeeksporten til Russland, meiner Audun Maråk i Fiskebåt. 

Trur på gjennomslag for lokalmat-app

Dei satsar først på å lukkast i Møre og Romsdal og Sogn og Fjordane. Deretter skal løysinga ut i resten av Norge, og endå lenger.

Går saman for utvikling i Giske

Næringslivet og Giske kommune går saman om å utvikle og bygge ut næringsområde ved Gjøsund. Vil etablere fiskerihamn.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.