Richard Grov foran skjema

Så langt har bana hatt over 10.000 reisande (opp og ned-tur) etter knapt ein månads drift.
- Vi ligg føre skjema, seier sals- og aktivitetsleiar Odd Rune Flo.
Budsjettet er på 55.000 reisande i år, medan break even-nivået er 42.500 reisande. På årsbasis er break even-nivået 65.000 reisande.
Bana blei opna av Dronning Sonja 20. mai.

Krevande operasjon

Den mest krevande delen av gondolbanedrifta er restauranten på toppen, seier Richard Grov.
Dagsrekorden så langt er 1400 besøkande, og det set press på serveringskapasiteten.
Det er Hotell Alexandra som driv restauranten på toppen, og der er hotellet i full gang med å bygge opp erfaring om når besøksmengda er størst og korleis forsyningane skal fraktast opp i tide og i stor nok mengde.

Store investeringar

Hotel Alexandra har investert 44,1 millionar kroner i aksjar Hoven-prosjektet og eig 30 prosent av gondolbaneselskapet. Til saman er prislappen på heile utbygginga passert 300 millionar kroner.
I tillegg har Hotel Alexandra investert rundt 100 millionar kroner i utvididig og oppgradering av hotellet i Loen i løpet av 205-2017.
No er dei tunge investeringane over i denne omgang.
- Vi har ingen store planar, seier Grov.

Marknadsføringseffekt

Hotel Alexandra er det største selskapet i Hotel Alexandra-konsernet, som også omfattar sommarhotellet Hotel Loenfjord og aktivitetsselskapet Loen Active - i tillegg til aksjeposten i gondolselskapet.

Grov seier han reknar med at talet på besøkande i sommar vil passere nivået for i fjor, mellom anna takka vere marknadsføringa som gondolbana har gitt.
-Loen er i vinden no, seier Grov.