Børsstyret har godkjent søknaden frå Saferoad om notering på Oslo Børs.

Selskapet er verdsett til mellom 2,3 og 2,6 milliardar kroner, i følgje prospektet som er laga i samband med børsnoteringa.

Mest lønsam

Saferoad lagar autovern, lysmaster, boltar og anna veg- og tunnelsikringsutstyr, med Vik Ørsta som den største og mest lønsame delen av konsernet.

Det svenske investeringsfondet Nordic Capital Fund VII har eigd konsernet sidan 2008. No blir det henta inn 1,4 milliardar kroner i ny kapital frå nye eigarar. Fristen for å teikne seg for aksjar går ut klokka 14. mandag 22. mai.

Kostar 70 millionar kroner å gå på børs

Pengane frå kapitalutvidinga skal gå til å nedbetale gjeld og kjøpe ut minoritetsaksjonærar i datterselskap i Saferoad. 221 millionar kroner skal brukast til å kjøpe ut minoritetsaksjonærar, 1109 millionar skal brukast til å betale ned gjeld og 70 millionar skal dekke kostnadane ved børsnotering - mellom anna meklar og advokathonorar.
Den endlege verdsetjinga av selskapet blir avgjort i teikningsrunden, og selskapet held døra open for at prisen både kan blir lågare og høgare enn prisen som er anslått i prospektet.

Går i minus

Gode tal frå Vik Ørsta (sjå faktaramme) er ikkje nok til å hindre at Saferoad har minusresultat dei siste åra. I 2016 vart resutatet før skatt minus 440 millionar kroner (sjå tabell). Deler at underskotet kan forklarast med valutaeffektar, men også driftresultatet (før finanskostnadane er rekna med) vart negativt.
Selskapet meiner likevel det er på rett veg, med positive utsikter i fleire viktig marknadar og ein underliggande driftsmargin før av- og nedskrivingar (EBITDA) som auka frå 7,5 prosent i 2015 og 8,3 prosent i 2016. (Driftsmarginen for EBITDA er rekan i prosent av driftsinntektene).

2700 tilsette

Saferoad-konsernet omfattar i dag 2700 tilsette fordelt på 60 selskap. Konsernet har produksjon i 12 land.
Det svenske investeringsfondet vil sitte igjen med minst 34,4 prosent av aksjane i Saferoad etter emisjon og børsnotering.