Arctic Nutriton arbeider for å utvikle legemiddel basert på silderogn, til behandling av hudsjukdomen psoriasis.

Resultatet av det første forsøket på menneske er venta klar i løpet av hausten, seier administrerande direktør Ole Arne Eiksund.
Går det som Eiksund vonar kan produksjonen vere i gang innan fem år.
- Det er lange prosessar, seier Eiksund.

Kan bli Hovdebygda

Planen er å etablere produksjon på Sunnmøre, og det kan godt bety Hovdebygda i Ørsta, der Arctic Nutrition held til i dag seier Eiksund.
I dag lagar Actric Nutrition helsekostprodukt basert på silderogn, og tener pengar på det. Dette skal selskapet halde fram med, og ei utviding av anlegget i Hovdebygda kan bli gjort basert på helsekostproduksjonen åleine, men slik at anlegget og kan produsere medisinske produkt, i følgje Eiksund.

Han seier det er eit poeng å ha alt under eitt tak, med kontroll over heile verdikjeda, både når det gjeld medisinske produkt og helsekostprodukt.

Med i legemiddelindustrien

Actric Nutrition har nyleg fått medlemskap i bransjeforeininga Legemiddelforeningen, som organiserer legemiddelindustrien i Noreg.
Arctic Nutrition er det første selskapet frå Nordvestlandet i organisasjonen, og er tatt opp som medlem på grunn av utviklingsarbeidet selskapet er inne i for å bli eit legemiddelselskap, i følgje administrerande direktør Karita Bekkemellom i Legemiddelforeningen.
I dag og i morgon er Bekkemellom i Legemiddelindustrien på besøk hos Arctic Nutrition og klyngeorganisasjone Blue Legasea, som organiserer selskap som driv foredlinga av restråstoff og avskjær frå oppdrett- og fiskeri.

Optimistisk Bekkemellom

Bekkemellom er svært optimistisk på Arctic Nutritiuon sine vegne.
Dette seier ho om den planlagte fabrikkinvesteringa på 150 millionar kroner:
- Beløpet er marginal i forholdt til markedspotensialet for dettte produktet her, der er heilt enormt, sa Bekkemellom i eit foredrag på Arctic Nutrition i dag.

Nye testar

Etter at resultatet av dei første testane av medisinske silderognprodukt er klart i løpet av hausten er målet å få publisert resultata i eit anerkjent internasjonalt tidsskrift.
Deretter skal det gjennomførast ein industriell pilotproduksjon av det medisinske produktet for å sikre at det er råd med ein industriell produksjon i stor skala. Deretter skal det gjennomførast nye og større forsøk på menneske, for produktet skal vurderast av helsestyresmaktene for godkjenning som legemiddel.