Over ni prosent rente for Dof Subsea

- Dei har historisk vore tidleg ute og finansiert seg i obligasjonsmarknaden i tøffe tider. No gjer dei det igjen, seier Trond Moldskred, leiar for Aktiv Forvaltning Sparebanken Møre om DOF Subsea og DOF. DOF er største aksjonær i DOF Subsea.

DOF er eit børsnotert offshorereiarlag. DOF Subsea er og eit offshorereiarlag, men har spesialisert seg på konstruksjonskip, rørleggingsfarty og skip for operasjonar på havbotnen.

Låner 900 millionar

DOF Subsea hadde som må å låne mellom 800 millionar og ein milliard kroner i obligasjonsmarknaden. Pengane skal delvis refinasiere eit anna obligasjonslån.
Resultatet blei 900 millionar. Lånet varer til november 2023.

Renta blei åtte prosent pluss 3 månadars nibor, som no er på 1,23 prosent. Til saman er det 9,23 prosent rente.(3 månadars nibor er rente på kortvarige lån mellom norske bankar)

Aksjeavkasting

Moldskred seier renta på oblighasjonslånet gjenspeglar risikovurderinga til investorane, og gir ei avkasting for investorane som han meiner er rimeleg å vente i aksjemarkanden no.
-Det er den avkastninga investorane i marknaden vil ha, seier han.
DOF Subsea lånet pengar i oglbigasjonsmarknaden også i fjor, men er førebels åleine blant offshoreselskapa om å ta opp obligasjonslån i år.