ANALYSENæringslivets eigen organisasjon, NHO, kom denne veka med sin kvartalsvise rapport om korleis det går i næringslivet.NHO oppsummerer kort og greit tilstanden slik: "Her hjemme fortsetter pilene å peke riktig vei. Oljeprisen har steget, fallet i oljeinvesteringene er unnagjort, og det er utsikter til vekst de nærmeste årene."Sjeføkonom Øystein Dørum i NHO melder om god stemning: - Stemningen i våre medlemsbedrifter holder seg høy. I de eksportrettede bedriftene er vurderingen av nåsituasjonen den beste på syv år.Langt på veg er dette ei presis skildring av statusen også på Nordvestlandet, arbeidsløysa går ned, fleire kjem i arbeid og i bedriftene er det optimisme.Det er verdt å peike på at ei stor bedrift i reiselivsbransjen, Alexandra-konsernet i Loen, nyleg har lagt fram eit rekordresultat - etter store investeringar. Kanskje er det teiknet på at reiselivsnæringa er i stand til å innfri forventningane til investorar som no snur seg mot næringa?Norges Bank, Nordea og NAV har den same bodskapen.At det er blitt betre tider også for bedrifter i oljebransjen ser vi mellom anna i at selskap som Vertikalservice og Norwegian Group alt i fjor starta å tilsette nye folk. Dei nyttar klatreteknikk i staden for stillas på servicearbeid på oljeplattformar, og måtte nedbemanne kraftig etter oljeprisfallet i 2014. Men refinansieringsrunde nummer to hos Kleven, og spådommar om at også offshorereiarlaga må gjennom ei ny runde med kreditorane, viser at bedriftene i maritim bransje har eit stykke att før dei har lagt verknadane av oljeprisfallet bak seg. Desse bedriftene utgjer ein stor del av næringslivet på Nordvestlandet, også etter nedskjeringane som kom etter oljeprisfallet. Regiondirektør Torill Ytreberg i NHO Møre og Romsdal minner i sin kommentar til NHO sin konjunkturrapport om at ikkje heile næringslivet har lagt nedturen bak seg:"Det er likevel grunn til å understreke at ettervirkningene etter oljekrisen fortsatt merkes godt. Særlig innen maritim industri er det store utfordringer, selv om mange på imponerende vis har klart å omstille seg på kort tid", skriv Ytreberg i si pressemelding.Klyngeanalysen Menon Economics la fram på den årlege samlinga for den maritime klynga i fjor haust, viste at talet på tilsette i klynga då var på 14.900 personar. Det er 3700 færre enn toppåret 2014. Og talet på tilsette ville krype ned mot 14.000 før 2017 var omme. Då er reduksjonen i stillingar i dei maritime bedriftene frå toppen i 2014 rundt 4500.Dei store verfta har i stor grad greidd å vinne innpass i nye marknadar, som mindre cruiseskip, fiskebåtar, servicefarty til offshore vindkraftanlegg og brønnbåtar. Det er ei imponerande omstilling, men svaret på om det også har vore økonomisk vellukka byrjar først å vise seg etterkvart som dei nye skipa blir levert.For offshorereiarlaga er det enkelt å peike på kva som tyngjer: Gjelda, i kombinasjon med at det framleis ligg 125 norske offshoreskip i opplag, i følgje Skipsdata, som er nettavisa Sysla si oversikt over offshoreflåten.Fleire aktørar i bransjen spår at mange farty aldri kjem i arbeid att, fordi det kostar for mykje å sette dei i stand til oppdrag. Men inntil vidare har dei framleis ein negativ effekt på marknaden.Det er færre skip i opplag enn det var på det verste, men førebels alt for mange til å unngå at dei dreg ned prisen reiarane får for å leige ut båtane sine.