Hexagon Composites sitt resultat for 2. kvartal er kraftig påverka av koronapandemien.
Konsernet hadde inntekter på 683 millionar kroner og eit resultat før skatt på minus 85 millionar kroner, ifølge tidleg onsdag.
Begge deler av betydeleg lågare enn same kvartal i fjor. Etter 2. kvartal låg selskapet kring 200 millionar under inntektene i fjor, og første halvår enda med eit minusresultat på fire millionar.
Leiinga ventar at koronapandemien framleis vil påverka resultatane i tredje kvartal, men at andre halvår vil bli betydeleg betre enn første del av 2020.

14 koronasmitte og stengt fabrikk

Både busstransporten i Nord-Amerika og Europa gjekk kraftig ned, og fleire leiande bilprodusentar stengte dørene etter at koronapandemien slo til i vår. Det påverka Hexagon-konsernet i betydeleg grad.
Selskapet opplyser samtidig at dei har hatt 14 tilfelle der tilsette har fått påvist Covid-19. Alle er blitt friske, eller er i betring, ifølgje kvartalsrapporten.
Fabrikken deira i Kassel var stengt mellom 23. mars og 20. april fordi kundar hadde midlertidig stengt. Konsernsjef Jon Eirik Engeset opplyste på presentasjonen av resultatet at produksjonen no går som normalt.

Les også:

Sikra ny kontrakt

Selskapet ventar at aktiviteten tek seg opp i siste halvår, og kunne samtidig melde om ei ny kontrakt i USA. Det er dotterselskapet Agility Fuel Solutions som har sikra seg meir arbeid til ein verdi av kring 72 millionar kroner.
Ordren kjem frå Anheuser-Busch og gjeld drivstoffsystem for fleire enn 180 lastebilar.
Selskapet la allereie i 2014/2015 om drifta for 160 diesellastebilar, til naturgass (CNG). No skal dei auke flåten med køyretøy på gass, og reknar med å reduserer utsleppa sine i forsyningskjeda med kring ein firedel, ifølgje ei .

Hovudkontor i Ålesund

Hexagon Composites er eit børsnotert selskap med hovudkontor i Ålesund og produksjon i USA, Tyskland og på Raufoss i Noreg. Selskapet lagar drivstofftankar og -system for naturgass og hydrogen, men er for nordmenn flest mest kjent for sin berbare gassbehaldarar i kompositt til bruk i gassgrillar.
Det største forretningsområdet er drivstofftankar og -system for mellomstore og større køyrety, som er organisert gjennom datterselskapet Agility Fuel Solutions.