Oppdrag til Island Drilling

Kontrakten med CNOOC Petroleum Europe Limited gjer at Island Island Drilling tek riggen Island Innovator ut av opplag.
Riggen skal starte operasjonen i andre kvartal i år. Den skal bore ein brønn vest for Shetland.

60 dagar

Oppdraget er på 60 dagar, og gir overskot for selskapet, også etter finanskostnadar, i følgje kvalitetssjef Geir Dombestein i selskapet.
Riggen har ligge i opplag sidan førre oppdrag, frå februar til oktober i 2018.
Jobben riggen skal ut i no er den første etter at selskapet sjølv tok over drifta av riggen. Tidlegare var det Odfjell Drilling som sto for drifta.

Treng fleire folk

Nett no er Island Drilling i gang med å tilsette folk. Rundt 100 personar skal i arbeid, og selskapet er kome omlag halvvegs i rekrutteringa i følgje Dombestein.
Riggselskapet har tre hovudeigarar, Trond Mohn i Bergen, Chouestfamilien i USA og ei grein av Ulsteinfamilein i Ulsteinvik. Dei er også partnarar i offshorereiarlaget Island Offshore.
I samband med refinansieringa i 2017 skreiv Island Drilling ned verdien av aksjane i selskapet til null og gjer om gjeld til aksjar. Storaksjonærane Ulstein, Chouest og Trond Mohn gjekk inn med kvart milliard kroner.

Trur på oppgang

Riggen Island Innovator gjekk rett inn i ein langvarig kontrakt med oljeselskapet Lundin då den var ferdig i 2013. Medan det oppdraget pågjekk slo oljeprisfallet inn for fullt, og etter at kontrakten var omme har riggen veksla mellom å ligge i oppdrag og vore ute på mindre oppdrag.
No er marknaden imidlertid rask betring, og Dombestein seier selskapet både håpar på fleire oppdrag i år og trur på en vesentleg betre marknad neste år.