Oppdrag for 450 millionar til Hyen

I oktober gjekk administrasjonen i Nordland fylkeskommune inn for å gi Brødrene Aa oppdraget med bygge to hurtigbåtar til strekninga Sandnessjøen-Bodø-Svolvær.
I dag er alle formalitetar på plass og avtalen signert.

Kina-avtale i oktober

Avtalen kjem på toppen av ein avtale om å bygge tre hurtigbåtar til Kina som Brødrene Aa offentleggjorde i oktober. Prislappen på det tre fartya er til saman 250 millionar kroner. Det betyr at hurtigbåtverftet har vunne kontraktar for 450 milionar kroner i løpet av ein månad.

200 millionar

- Båtane vil samla koste omlag 200 millionar kroner. Vi kjøper og eig båtane sjølve, medan drifta skal ut på anbod, seier samferdselsråd Svein Eggesvik i Nordland Fylkeskommune til fylket si nettside.

Båtane skal ha plass til 220 passasjerar og lastekapasitet tilsvarande 16 europallar. Dei skal leverast i desember 2018 og februar 2019. Drivstoff-forbruket skal bli 30 prosent lågare enn båtane som trafikkerer strekninga i dag.