Nytt oppdrag Island Drilling-riggen

Dette er den andre kontrakten Island Drillings boreriggg har inngått for 2017 år, etter å ha ligge i opplag i store deler av 2016. Også det første oppdraget i år var for boring av ein brønn.

Boringa på Wistingfeltet skjer på oppdrag for OMV Norge, og skal starte i tredje kvartal i år i følgje ei pressemelding frå Island Drilling. Kva riggen blir utleigd for er ikkje opplyst. Oppdraget vil ta 35-40 dagar anslår selskapet.
Riggen ligg i varmt opplag - altså klar til arbeid på kort varsel - ved Hanøytangen i Hordaland.

Refinansiering på plass

Før riggen vart lagt i opplag våren 2016 hadde den hatt eit langvarig og godt betalt oppdrag for oljeselskapet Lundin. Så lenge det oppdraget pågjekk var selskapet delvis skjema for nedturen i riggmarknaden.
Etterpå gjekk Island Drilling gjennom ei lang perioden med forhandlingar om ei refinansiering av selskapet.
Forhandlingane enda med at aksjane i selskapet vart skrivne ned til null og gjeld gjort om til aksjar. Storaksjonærane Ulstein, Chouest og Trond Mohn gjekk inn med ein kvart milliard kroner då refinansieringa var på plass i mars i år.
Island Drilling har kontor i Bergen, men hadde i utgangspunktet Morten Ulstein og hans familiegrein som initiativtakarar og store aksjonærar. Dei er også med etter refinansieringa.

Etter at Island Drilling blei refinansiert starta arbeidet med å planlegge invesetringar som skal gjere riggen i stand til å operere i område med is og under vinterforhold langt nord. Om dei investeringane skal gjerast er ikkje avgjort.