Nett.no Logo
Mega menyMega meny

NETT.NO Abonnement

Registrér ein konto på vår næringsportal for 129,- pr mnd, og få tilgang på:

  • Unike artiklar om økonomi og næringsliv på Sunnmøre og i Nordfjord, som du ikkje finn i andre publikasjonar!
     
  • Tilgang på tenester som Nytt om Namn, Synspunkt og stilling ledig.
     

Med abonnement har du tilgang til NETT NO på alle digitale plattformer - du kan lese når du vil, kvar du vil og i det formatet som passar deg.

129,- pr. mnd.
Nytt NETT NO-magasin er ute

VEKST: Lenita Beate Storeide (t.v) og Ivonne Kroken Ekremsæter( med Vilja Kroken Storeide på hofta) driv Christian Gaard Bygdetun as på Trandal i Hjørundfjorden saman med Daniel Storeide. Reiselivsinntekten til selskapet auka med rudnt 20 prosent i fjor, som er ny rekord.

Nytt NETT NO-magasin er ute

Dei mindre og mellomstore bedriftene på Nordvestlandet sikra overskot i næringslivet i fjor. Det viser temperaturmålinga over næringslivet på Nordvestlandet i det nye NETT NO-magasinet. 2017 var eit vendepunkt.

Etter to år i minus gjekk næringslivet på Nordvestlandet på nytt i pluss i 2017. Vendepunktet, spådde NETT NO om 2017 i fjorårets magasin, og det slo til.

No er årets NETT NO-magasin ute, der NETT NO for sjette år på rad tek temperaturen på næringslivet på Nordvestlandet.

Les årets NETT NO-magasin her

Reknskapa til over 2400 bedrifter fordelt på 23 kommunar i Nordfjord og på Sunnmøre viser at pilene peikar oppover. Driftsinntektene aukar med 7,2 prosent frå 2016 til 2017 og lønsemda er på veg opp. 

NETT NO-magasinet 2018 ser mellom anna på utviklinga i reiselivet på Nordvestlandet.

- Biletet er veldig klart. Etter to dårlege år er det blitt mykje betre, seier sjeføkonom Harald Magnus Andreassen i Sparebank 1 Markets. 

 2017-resultata for Nordvestlandet er framleis svake, men det er likevel stor skilnad frå 2017 til 2016, då bedriftene til og med tapte pengar på drifta, meiner han.

 - Det er all grunn til å tru at 2018 blir betre enn i 2017, seier han.

Reiseliv i vekst
Årets magasin rettar spesiell merksemd mot reiselivet, ei næring med fleire års vekst bak seg og forventningar og ytterlegare vekst. 

Reiselivsnæringa har gått ein lang veg, men no er den i ferd med å bli ei svært lønsam næring for Vestlandet, meiner sjefen for marknadsføringsorganisasjonen Fjord Norge, Kristian B. Jørgensen. Det trekkjer ny kapital til næringa.

- I 100 år har reiselivet jobba med å få nok turistar i høgsesongen, slik at næringa i distrikta klarer å tene pengar, seier Jørgensen.

Fram til for tre-fire år sidan tapte opp mot 30 prosent av distriktshotella pengar i høgsesongen.

- I dag har vi nådd den kritiske massen som skal til for at dei fleste reiselivsbedriftene i distrikta klarer å tene pengar mellom mai og september, seier Jørgensen.

Brønnbåteventyret
- Dette er framleis ei ung næring. Verda treng protein, og vi får sjå mykje meir produksjon av fisk. Ikkje berre laks og ørret, men ei lang rekkje andre fiskeslag. Og denne fisken skal transporterast, seier Sølvtransgrunnleggar Roger Halsebakk til NETT NO-magasinet. 

53-åringen er direktør i det som er verdas største brønnbåtselskap. 21 brønnbåtar har Sølvtrans, og fire under bygging. Saman med cruisenæringa har brønnbåtreiarlaga vore med på å fylle ordrebøkene hos skipsverfta etter at marknaden for bygging av offshorefarty klappa saman.

Den siste konktraheringa til Sølvtans Ronja Storm, vert 116 meter lang og 23 meter brei. Båten får eit lastevolum på 7.500 kubikkmeter, og i tillegg ta med seg 5.000 kubikkmeter ferskvatn. Prislapp; vel ein halv milliard kroner.

Les også: Byggjer nok ein båt hos Aas Mek.

Halsebakk trur ikkje det stoppar der, og no vert det også sett på å byggje store frakteskip for å frakte laksen rett frå oppdrettsanlegga til kontinentet.

- Det trengst mange fleire skip, og vi skal i høgste grad bidra til veksten.

 

Siste artikler

Knallstart for nyopprykka klynge

Klyngeorganisasjonen NCE Blue Legasea kunne neppe fått ein betre start på sin nye status som Norwegian Centre of Expertice (NCE). 

Vil byggje fleire skip for reiselivet

- Dei må kjenne oss dårleg dei som trur at vi stoppar ved dei fire båtane vi har bestilt til Havila Kystruten.

Tommel opp for Arctic Nutrition

Dei første testane av silderognprodukt som legemiddel mot psoriasis er lovande for Arctic Nutrition.

Legg ned, men vurderer ny etablering

Frå årskiftet er det slutt for Fagmøbler-butikken i Stryn. Eigarane vil framover vurderer om det er grunnlag for ei ny satsing i Stryn, og bur seg også på å bygge ut kjøpesenter for 30 millionar i Vågsøy.

- Omstillinga i ferd med å løne seg

Ulstein jaktar nye kontraktar innan offshore vind og ferjer/cruise. Gunvor Ulstein er optimist.

Over ni prosent rente for Dof Subsea

DOF Subsea lukkast med å hente inn 900 millionar kroner i obligasjonslån. Renta er over ni prosent.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.