Ny rekord for oppdrettsmesse
NY REKORD: H.M. Kronprins Haakon opnar Aqua Nor i 2017. Då kom over 27.000 besøkande innom. I år er det venta 30.000.
Nytt

Ny rekord for oppdrettsmesse

Bedrifter frå Sunnmøre og Nordfjord som stiller på stand under årets AquaNor-messe har over 4000 tilsette og sel varer og tenester for rundt 15 milliardar kroner.

11.08.2019
ANALYSEOppdrett er big business, og ikkje berre for oppdrettselskapa.Dei rundt 40 selskapa frå Sunnmøre og Nordfjord som har tinga seg plass på årets AquaNor-messa lagar eller leverer mange slags utstyr og tenester som oppdrettarane treng; nøter, tauverk, arbeidsbåtar, brønnbåtar, oppdrettsflåtar, avlusinganlegg, motorar, slakteri- og foredlingsanlegg, emballasje, arbeidskle og sjukdomsanalyser.Med skipsbyggingsbedrifter som Vard og Havyard blant utstillarane seier det seg sjølv at ikke alle driftsinntektene til selskapa som står på stand i Trondheim når messa opnar tysdag 20. august kjem frå oppdrettsbransjen. Både Vard og Havyard er tungt inn på bygging av fleire typar skip.Men det er uansett snakk om ein bransjen som gir betydelege ringverknadar på Nordvestlandet. Ein analyse som forskingsinstiuttet Iris gjorde for Vestlandsrådet i 2016 konkludere med at 2400 personar på Sunnmøre og 400 personar i Nordfjord arbeidde med å levere varer og tenester til oppdrettsselskapa.For verfta Larsnes Mek og Aas Mek Verksted har brønnbåtar vore berebjelken i fleire år og nyleg la dei to store kundane til desse verfta, brønnbåtreiarlaga Sølvtrans og Rostein, fram knallsterke tal for 2018. Etterspørselen etter brønnbåtar har gjort at begge reiarlaga har hatt fem svært lønsame år på rad, og har investert i nybygg.Aqua Nor-messa blir arrangert annakvart år og til årets messe har arrangøren fått eit nybygg som aukar kapasiteten. Det medverkar til at årets Aqua Nor truleg blir rekordstor.550 utstillarar var der for to år sidan, rundt 600 er påmeldt i år. I 2017 passerte messa 27.000 besøkande, i år ventar arrangøren 30.000 - mellom anna på grunn av fleire besøkande frå utlandet. Messa er dermed blitt ein stad å nå internasjonale kundar og, ikkje berre den norske marknaden.Det er oppdrett som er storebror i sjømatnæringa. Hittil å år er det eksportert sjømat, i all hovudsak fisk, for 59 milliardar kroner frå Noreg. 40 av desse milliardane kjem frå eksport av oppdretta laks og aure. At oppdrettsnæringa er størst vises også i Trondheim. Fiskerimessa Nor Fishing, som alternerer med Aqua Nor, hadde cirka 22.000 besøkande i fjor.Her kan du sjå kven frå Sunnmøre og Nordfjord som stiller på stand i Trondheim under Aqua Nor (Manglar nokon på lista, send ei melding til :Vard Group, ÅlesundMørenot Aquaculture,ÅlesundPatoGen, ÅlesundSølvtrans, ÅlesundDefloat, ÅlesundCCOM, ÅlesundFuruno Norge,ÅlesundNormex, ÅlesundAmokabel Norway, ÅlesundArtec Aqua, ÅlesundFiizk, ÅlesundJ. Weiberg Gulliksen, ÅlesundHL.SKJONG, ÅlesundBaader Norge, ÅlesundSæplast Norway, ÅlesundCflow Fish Handling, LangevågOptimar, ValderøyaServi Ulsteinvik, UlsteinvikPlany, GurskenBrimer, KvamsøyHavyard Group, HerøyVolt Service, HerøyMMC First Process, HerøyAstorplast, HerøyDavi Turbo, HerøyFrøystad, HerøyMarina Solutions, ØrstaPE Bjørdal, ØrstaVartdal Plastindustri, ØrstaAmatec, SykkylvenFiltra, ØrskogTenfjord Industrier, HaramAalesund Protective Wear, HaramNogva Motorfabrikk, Haram Aas Mek. Verksted, VestnesBrunvoll, Molde/VoldaFinnøy Gear & Propeller, SandøyRostein, SandøySelstad, VågsøyProAqua, VågsøyStadpipe, Selje

Publisert: 11.08.2019 06:00

Sist oppdatert: 10.02.2021 14:38