Ny eigar på Moltustranda

Det er selskapet Legemyrane 4 som har kjøpt selskapet viser eigedomsregisteret. Planen er å drive fiskerirelatert verksemd i anlegget, i følgje styreleiar Dagfinn Tynes i Legemyrane 4. Legemyrane 4 er også adressa til anlegget, som ligg på Moldtustranda i Herøy.
Prisen var fem millionar kroner, i følgje eigedomsregisteret.
Legemyrane 4 er eigd av det litauiske selskapet Proximus Global. Det selskapet er eigd av Daniel Andersen, i følgje foretaksregisteret i Litauen.

Langvarig salsprosess

Eigedomen på Moltustranda var eigd av selskapet Sunnmøre Eiendom Moldtu, med Edgar Sandanger som stor aksjonær.
Anlegget omfattar røykeri, pelagisk fiskemottak, fryseri og kaier. Kaiene er dels i betong og dels i tre, med ni meters djupn ved betongkai.
Innovasjons Norge kravde tvangssal av eigedomen i 2017, men salet vart sett på vent til det kom ei avgjerd om Sunnmøre Eiendom Moldtu var konkurs eller ei. Konkursen blei opna i 29. mai 2019.
Etterpå kjøpte selskapet Sandanger Invest tidlegare i år deler av utstyret i fabrikkanlegget.

22,6 millionar

Krava i buet var på tilsaman 22,6 millionar kroner. Innovasjon Norge er største kreditor, med eit krav på 15,6 millionar.
I februar 2019 vende Innovasjon Norge tommelen ned for eit bod på 2,2 millionar kroner for anlegget.
Anlegget var taksert til 5,5 millionar kroner.