Ny Toyota-avtale for Hexagon

Hexagon Purus, eit dotterselskap av Hexagon Composites, har inngått kontrakt med Toyota Motor North America til å levere hydrogenløysingane i Toyota sin utvikling av store el-lastebilar.
Avtalen gjeld ein prototype, og har ein verdi på rundt ein million US dollar for Hexagon.
Dette er tredje Hexagon-avtalen med Toyota. Første avtalen galdt utviklinga av eit konsept for hamnene i Los Angeles for å få ned utsleppa frå lastebilar. Det neste prosjektet galdt utviklinga ein hydrogen Tubus-modell frå selskapet Caetanobus.

- Stort potensiale

Hexagon viser i børsmeldinga til rapportar om at brenselcelleteknologi har eit stort potensiale for å verte framtidas framdriftsmetode.
Det blir vist til at store lastebilar vanlegvis er brukt til lange transportar, og at det derfor er viktig å ha både stor kapasitet og mulegheit til refylling.
Første protoypen for den nye Toyota-avtalen er forventa å leverast i løpet av fjerde kvartal.