Nordvestlandet paa topp i vekstbransje
VEKSTBRANSJE: Utstyr- og tenesteleverandørar til fiske- og oppdrettsnæringa vil skape 2200 nye arbeidsplassar på Vestlandet fram mot 2020 anslår IRIS-forskar Atle Blomgren.
Nytt

Nordvestlandet på topp i vekstbransje

Nesten fem prosent av arbeidsplassane på Sunnmøre er hos utstyr- og tenesteleverandørar til oppdrett- og fiskerinæringa.

09.01.2017
Både i talet på arbeidsplassar og i andel av den totale arbeidsstyrken er Nordvestlandet tyngdepunktet for bedrifter som leverer utstyr og tenester til fiske- og oppdrettsnæringa. Det viser eit kartlegging som forskingsstiftinga Iris ved Universitetet i Stavanger har gjort på oppdrag for Vestlandsrådet.

På Sunnmøre er det snakk om nesten 2400 personar, som utgjer 4,8 prosent av alle sysselsette. I Nordfjord har 400 personar arbeidet sitt hos teneste- og utstyrsleverandørar til fiske- og havbruksnæringa. Det tilsvarar 3,8 prosent av alle sysselsette.
På tredjeplass - målet etter andel av total sysselsetting - kjem Romsdal og Nordmøre, der det 3,6 prosent av alle sysselsette arbeider i slike bedrifter.

Undervurdert underskog

I Møre og Romsdal og Nordfjord er det nesten 4200 personar som arbeider hos leverandørar til fiskeri- og havbruk. Det er omlag dobbelt så mange som i heile Hordaland til saman.
Samanlikna med bedriftene i maritim bransje er leverandørane til fiske- og oppdrettsnæringa lite kjent, meiner Glenn Bradley i brønnbåtreiarlaget Rostein. Han meiner bedriftene burde lære av korleis dei maritime bedriftene samarbeider og spelar kvarandre gode.
- Vi må jobbe enda meir for å samle alle i ei felles klynge, seier han.

Stort spenn

Bedriftene som er kartlagt omfattar mellom anna , produsenter av , garn-og notprodusentar, , selskap som utviklar og produserer og biomarine bedrifter.
Dei biomarine bedriftene baserer seg på restråstoff frå fiskeri- og oppdrett og har sitt tyngdepunkt på Nordvestlandet med rundt 450 tilsette i Møre og Romsdal og Nordfjord.

Frå olje til fisk

Det er ein glidande overgang mellom olje- og fiskerelaterte arbeidsplassar, i følgje forskar Atle Blomgren hos Iris.
Ein betydleg del at dei tilsette er fagarbeidarar, og ein stor andel av desse er utdannan i klassiske industrifag.
Fram mot 2020 er det venta ein vekst på 2200 nye arbeidsplassar hos vestlandske leverandørar til fiske-, oppdrett- og biomarine bedrifter. Rundt 40 prosent av dei nye jobbane krev høgare utdanning og like stor andel krev fagutanning, anslår Blomgren.
Mange av desse arbeidsplassane passar for folk med erfaring frå bedrifter som tidlegare var leverandørar til oljebransjen, i følgje Blomgren.



Publisert: 09.01.2017 12:33

Sist oppdatert: 10.02.2021 14:05