Nesvik ser paa tiltak rundt lusekjemikaliar
MINISTER: Harald Tom Nesvik vil ha orden rundt bruken av kjemikaliar mot lakselus.
Nytt

Nesvik ser på tiltak rundt lusekjemikaliar

Fiskeriminister Harald T. Nesvik (Frp) varslar laksenæringa om at han vil sjå på kva som kan gjerast for å få orden på bransjen sin bruk av lusekjemikaliar.

21.09.2018
NPK-NTB: Beskjeden kom frå fiskeriministeren under eit møte fredag med representantar frå lakseprodusentane.
– Det er viktig at vi har eit føre-var-perspektiv. Eg har derfor varsla at vi no vil sjå på ulike tiltak knytt til bruk av hydrogenperoksid og lusebehandling. Konkret kva dette dreier seg om, må vi komme tilbake til, seier Nesvik.
Han legg til at regjeringa ønsker å legge til rette for berekraftig vekst i næringa.
– Det vil alltid vere eit visst behov for å bruke legemiddel i oppdrett, men vi skal ikkje ha ein bruk som gir uakseptable effektar på miljøet.

Nedgang i bruk av lusemiddel

Til stades frå næringa var representantar frå foreininga Sjømat Noreg, organisasjonen Sjømatbedriftene og Norsk Industri.
Lakseprodusentane viser til at det har vore nedgang i bruk av lusemiddel.
Møtet med næringa er komme i stand etter at pressa har skrevet om ulovlege utslepp av kjemikaliar og legemiddel.

Vedgår brot på regelverket

Norges Fiskarlag krev at Fiskeridirektoratet påtaler og sanksjonerer brot på utklippsregelverket knytt til lakselus.
Utsleppa har skjedd nær rekefelt og gyteområde. Fleire oppdrettarar har innrømt brot på regelverket.

Publisert: 21.09.2018 21:12

Sist oppdatert: 10.02.2021 14:26