Marius Rosbach til NETT NO
SKIFTAR JOBB: Marius Rosbach (til venstre) går frå Sunnmørsposten til NETT NO. Her intervjuar han Petter Stordalen på Kleven Verft.
Nytt

Marius Rosbach til NETT NO

Næringslivsjournalist Marius Rosbach i Sunnmørsposten er tilsett i NETT NO.

03.12.2018

Rosbach (45) har arbeidd for Sunnmørsposten sidan 2009 og med næringslivstoff for avisa sidan 2012.

Han starta si journalistiske karriere i med praksisplass i Klassekampen og frilansoppdrag for Fremtiden i Drammen i 1998. Frå sommaren 1998 til januar 2001 var han journalist i lokalavisa Hadeland.

I 2001 starta han frilans-selskapet Blekk & Bilder ANS saman med sambuaren og leverte artiklar til 40-50 aviser, vekeblad og fagblad. Kombinert med frilansverksemda arbeidde han frå mars 2003 i ulike stillingar i Nettavisen.

Flytta til Sunnmøre
Rosbach er frå Drammen, og flytta til Flø i Ulstein kommune i 2006.

Han er sambuar, med tre born.

Rosbach har journalistutdanning, mellomfag i statsvitenskap og grunnfag i sosialantroplogi.

Styrkar staben
Etter at mangeårig NETT NO-medarbeidar Kristin Vidhammer slutta i avisa tidlegare i haust for å å byrje i Finansavisen har redaksjonen bestått av Kjetil Haanes og Ogne Øyehaug.

Med Rosbach på plass styrkar NETT NO staben på nytt.

NETT NO er ei nettavis som dekkjer næringslivet på Nordvestlandet, med Sunnmøre og Nordfjord som primærområde. Den starta publisering i november 2013.


Publisert: 03.12.2018 06:00

Sist oppdatert: 25.10.2022 09:42